ماذا حصل لخمسين عمانيا في الهند ؟؟

[india9090]

# عندي ملاحظه : المضوع طويل شوي بس يستاهل .
من بلاد عبدة البقر والشمس والاوثان (الهند)
انادي بلسان خمسون شخصا من ابنائكم وبناتكم المغتربتن للدراسه (مشغلين مركز اتصال)
(call center)
اريد اخذ رأيكم :
الخمسين مرسولين من قبل شركه , وقبل مغادرتهم الوطن وعدوهم بإجازة في العيد وبعد وصولهم تغير موعد الاجازة الي شهر ابريل 2005 وقبل اسبوع من الحين ردوا عليهم اسفين ماشي اجازه
سببهم للإلغاء الاجازه انه اذا راحو اسبوعين زمان (تراهم ما طالبين غير اسبوعين) بينسيوا إلي تعلموه طول هذا المده . وهل هذا يعقل .؟؟؟؟؟؟؟؟؟(عذرا أقبح من ذنب )
ورفضهم أدى الي احباط معنويات الطلاب وإنزال من مستواهم الدراسي وتدهور الصحه بشكل فضيع.
وكما عرفت عنهم حبيت انكم تعرفوا .انه في بنات معهم وكما تعرفوا البنات في حاجه ماسه اليها مع انهن صبرن لحد الحين .وعلي فكره رأيي انا (انهم ما طالبين إلا بتنفيذ الوعد)
وطول هذا المده ما في احد سأل عنهم أبدا من الجهه المسؤولة حتى بإتصال .
ولو ما اهاليهم يسألوا عليهم يعتبروا منفاين
وحدثت زلازل وامواج هائجه (tsunami)
في المنطقه الي هم فيها .وهم ما عارفين وين يتوجهوا بصرخاتهم .من المسؤول ؟؟؟
1.الشركه في الهند 2. الشركه الام في الوطن او من .....؟؟؟
ملاحظه:المغزى من هذا الكلام كله إنهم ما مستسلمين لكن هذا اول وعد من الشركه وما تنفذ والله اعلم بالجاي !!!!!!!!!!!!!!!!!!!!!!!!!!

*دلوهم علي الطريقه والمساعده والحل والله يدلكم علي الجنه ان شاء الله .صدقوني فيها اجر ودعاء 50 شخص ..!

* انا شخص حبيت اساعدهم ولكن ما باليد حيله :confused:

ارجـــــــــو الاهتــــــــــــــــــمـ ــــــــــــــــــــااااا ااااااااااااااااااااااااا اااااااااااااااااااام

[الصخبر]

أقولك جلس وتعلم وخليك من الدلع ،،،،،،،،،،،،،، ألا تعرف انه يوجد طلبة علم تغربوا لتحضير الماجستير والدكتوراه في سفره واحده .

وما قالوا باغيين الماما والبابا وشوب العسل والمقلاي والمعجين والمشاكيك والشوا وشوفة الشرجه والوادي والرخال والسيويا وسح وسمن وسح وطحينة وضب وعكوة ودنجو مطبوخ ولوبيا عمانية مطبوخة وغراميل ولقمة القاضي وشوب سقومة .

أقولك بو تلقاه كله .
وبو تشتاقله صبرعنه شوي .

والماما والبابا اتصل بهم .

وبـــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــرد فــــــــــــــــــــــــ ـــــــــــــــــــــــــ ــــــــــــــؤادك

[الفاضح]

ياخي ممكن تكتبوا رسالة للسفارة العمانية فالهند ......طبعا هم ماراح يخدموكم فشي بس بديوا بداية ..وتعالوا هنا وقدموا شكوى على الشركة فوزارة التجارة أو رفعوا قضية بس يعتمد هل عندكم منطق قالموضوع يمكن الاجازة القادمة قريبة ..يعني ما كل شي بالضرب والمنازع ....لازم التروي شوية

[هيب 2020]

عليك بالفلفل تراه زين اضرب من (البراتى والصبجيه)

[india9090]

هلا اخ الصخبر
يا اخي مو كل الناس تقدر تصبر
وبعدين انت ما قريت زين انا ما قلت انهم ما قدرين يصبرو
انا والله كنت اقولهم نفس الشي بس بعد ما كلمتهم وعرفت ضروفهم زين عذرتهم
بعدين ياخي انا عارض الموضوع عشان الحلول مو عشان (انتقدات )

[BARSA FOREVER]

كل اللوم يقع على الشركه اللي باعثه الطلاب للهند

كيف ما يسالوا عنهم ؟؟؟

كيف ما يوفوا بوعودهم؟؟

الله ينتقم من اللي كان السبب :mad:

وهذا ليس له صله بالصبر وانما لازم يكون هناك نظام متبع مو كل مره يضحكوا عليهم :معصب:

[الصخبر]

هلا اخ الصخبر
يا اخي مو كل الناس تقدر تصبر
وبعدين انت ما قريت زين انا ما قلت انهم ما قدرين يصبرو
انا والله كنت اقولهم نفس الشي بس بعد ما كلمتهم وعرفت ضروفهم زين عذرتهم
بعدين ياخي انا عارض الموضوع عشان الحلول مو عشان (انتقدات )

عفوا اخي الهند تسعين تسعين
انا ما انتقدت ولكني حبيت أخفف :) :مفتر: :D :بلابلا: :نطوط: :شيطان: :cool: :)
وأقولهم في حالة عدم الذهاب الى الأهل فعليكم بالصبر وتبريد الفواد والله يعين الجميع .

[الأنصار]

انزين ايش اسم الشركة عشان أي حد من المسؤولين يمكن يشوف الموضوع ويعمل حل لمشكلتكم ( الغربه زينه)

[india9090]

هلا اخواني
انا ما اعرف اذا كان مسموح اذكر اسم الشركه او لا .؟؟؟؟؟؟
اذا كان مسموح خبروني وانا بذكر
وشكرا

[بقايا كائن حي]

الله يعينهم

[india9090]

اخي BARSA FOREVER
هذي المشكله انهم وعدوهم قبل لا يغادرو وبقيو علي املها .
لو انهم ما واعدينهم من قبل ما اعتقد بيصير احباط .
وعلي فكره كل الجروبات الي قبل رسلو الي الهند من قبل الشركه نفسها حصلو علي اجازات
يعني في احد احسن من حد ..واكرر واقول ((هل مسموح اذكر اسم الشركه اولا ))
ويا جماعة الخير الموضوع بيسوي مشاكل مالها حد وبتضيع الدراسه اكثر ما هيه ضايعه
والي يسوي شي في الموضوع له اجر
شكرا

[جني عمان]

من المهم ذكر الشركة لنعرف اكثر وتتم المحاسبة والمخاطبة

ثم اننا نعرف أن بعض الأشخاص المرسولين لا يدرسوهم ولا شيء ! لعب بس !

[india9090]

هلا اخي جني عمان
اولأ اسم الشركة (بهوان سايبرتك )
وموقعها تحديدا في شارع الفحص مقابل قيادة عمليات الشرطة .
وبعدين اخي ما تضلم الناس قبل لا تعرف كيفيت دراستهم . (اصلن ما في وقت عندهم حق اي شي غير الدراسه)
تخيل دوامهم من الساعه 7:00صباح لحد الساعه 7:00 مساء
يعني في وقت لي اي شي ثاني .......؟؟؟؟؟
وشكرا