وأنا في الجامعة كنت من النوع إلي يكرررررررررره السكن يعني اقضي كل يومي في الجامعه وما ارجع الا ع المغرب طبعا معاي ربيعاتي المهم هذا طبعي من سنه اولى إلى ودعت الجامعه بس احيانا اغير.
المهم انا كنت من النوع المرح وشخصيتي قوية وإلخ ......
وكنت من النوع إلي يحب يتكلم مع كل البنات بس بعضهن ما يفتحن النفس انه حد يتكلم معاهن مادري ليش .
المهم لاحظت على سنه ثانية انه فيه بنات يمشين وراي وين ما اسير لدرجة عارفات الاوقات إلي انزل فيها في الساحة او الكفتيريا او وين اسير اذاكر وهالبنات فيه منهن إلي يعرفن بعضهن وفيه إلي ما يتعارفن لدرجة اني لما اكون في المحاضرة اشوفهن يشوفن علي من زجاجة الباب .
انا كنت مطنشة بس في داخلي ابغى اعرف ليش يتبعني
المهم بدين يتقربن من بنات اعرفهن ويتكلمن عني وهالبنات يوصلن الكلام لي
فألي تقولها ربيعتج مرة لعبت معاها في مسابقة سنه اولى طبعا حجة وانا هالبنت اول مرة اشوفها
وإلي تقول لبنت ثانية ربيعتج مرحة وياكثر الكلام كله كلام فاضي وإلي تحاول لفت الانتباه بطرق عجيبة انا اول مرة اشوف كذا واشوف مثل هالحالات
لدرجة انه فيه بنت كانت لما تشوفني ما تسير لحد ما اشوف عليها وهالبنت بالذات كنت انكت فيها تنكيت وربيعاتي يساعدن ( متفقين فديتنا ) .
حتى فيه بنت انا بصراحة عمري ما لاحظتها سنه اولى وانا من النوع إلي نادرا ما استخدم المصعد يعني طالعة نازلة بالدرج رياضية فديتني وكنت اشوف بنت تجلس ع الدرج وكانت تأخرني في النزلة يعني مرة تنشح كتبها ترس الدرج وانا لما ابغى امر انتظرها لحد ما تشل كتبها وكذا كل مرة تسوي شي انا كنت علنياااااااااااااتي اشوف هالشي شي طبيعي لانها تذاكر في الدرج بس طفرتبي يعني لازم اتوقف فترة عندها وانا نازلة سنه كاملة وعمري ما شفت على وجهه سبحان الله ولا جاء في بالي ان ذي البنت تسوي كذا عشاني على سنه ثانية جاءت وصارحتني انا قلتلها بصراحة انا هالسنة اول مرة اشوفج وعمري ما انتبهت لج بس لما قالت انها البنت إلي دايما تجلس ع الدرج وانها كانت تسويلي مطبات عشان اوقف عندها جن جنوني قلتلها يعني انت إلي دايما تأخريبي ورحت عنها بس هي لزززززززززززقة انا اول مرة اشوف حد لزقة بذي الطريقة وطبعا رسلتها عدة بنات يقولها ان اميرة الحقول ما طايقتنج هي ترد عليهن انتن مالكن دخل وبسبته مرضت في الفراش شهرين كاملات لانها طفرتبي من كثر ما صرخت وصحت بسبتها كنت يادوب اقدر اسير المحاضرات
هالبنات فيه منهن إلي تجرأت وتكلمت وإلي رسلت رسالة وفيه إلي تمت ملاحقة.
المهم السالفة طويلة وطرقهن للتقرب عجيبة بس بأت بالفشل بس انا حياتي بديت تتغير خلال هالثلاث سنوات بسبب المطاردة إلي اتعبتني نفسيا صرت نادرا ما ابتسم اعصب بمرررره ولو الشيء تافه وما يستاهل وازعل من أي شيء ولو تافه وما مقصود صرت اشك بنفسي يمكن فيني غلط اسأل ربيعاتي فيني شيء غريب واسأل شكلي بنت صح . وربيعاتي بس يقوللي :- طنشيهن
وانا على سنه رابعة تعرفت على بنت سنه اولى تشبهني في تصرفاتي وانا كنت اتكلم معاها خبرتني ان فيه بنات يتبعنها وين ما تسير مسكينه الدور عليها
وهن نفس البنات طبعا انا انصحتها انها لا تتقرب منهن
هذي من اصعب المواقف إلي حصلت لي في الجامعة
29/12/2005, 08:16 PM
