|
#1
|
||||
|
||||
أيام زمان والدراجات الهوائيه ( السياكل )
السلام عليكم ورحمة الله وبركاته
القصد من هذا الموضوع هو التذكير بالطفوله وأيام زمان التي لا تنسلى أبداً فمنذ أن كنا أطفالاً ونحن نحب ركوب الدراجات الهوائيه لما كنت طفل أكيد أبوك أشترالك سيكل بو ثلاث تواير وبعدين لما كبرت إشترالك سيكل أكبر شويه وأكيد بعد الحوادث والمفاجاءات والمشاكل حصلت عندك والضرابه مع أخوانك على ذاك السيكل ناهيك عن التشميخ فالصيم وأصابع رجلك لما تدخل مع السنقل أو لما ما يكون في السيكل بريك وتحاول توقفه برجلك يا ليت كل واحد يخبرنا بقصة مرت عليه لما كان يقود هذه الدراجه الهوائيه ( السيكل ) وكم سيكل أمتلكته لنفسك في حياتك أتمنى كل من يقرأ الموضوع المشاركه لو بالقليل تحياتي : عبراوي٢٧ |
مادة إعلانية
|
#2
|
||||
|
||||
|
#3
|
|||
|
|||
انا اتذكر .. كنت أسووق سيكل اخووي .. فــ رحت شارع كان فيه نزلة كبيييرة و كنت اسوووق بسرررررعة طحت في آخرالنزلة
تعوووورت في يدي و لين الحين اثر العووارة موجودة في يدي .. كنت شيطاااانة |
#4
|
|||
|
|||
لا تذكرني الله يخليك بسبب السيكل في شمخ طول ظهري واريد انساه
|
#5
|
|||
|
|||
هيييييييه حلووو
انا ما كنت اعرف اسوق سيكل مال تايرين بس السنه الماضيه شفت سيكل اخوي الصغير واصريت انه يعلمني |
#6
|
|||
|
|||
اما انا... فكنت اتسابق مع بنت عمتي واختي الصغيرة... ولمّا سبقناها حاولت انها تسرع عشان تلحقنا فطاحت وكسرت يدها .. وانقشبنا انا وبنت عمتي زين !! |
#7
|
||||
|
||||
أما جيرانا ......ولدهم فضحهم في السوق يبى سيكل ....... فاشتروا له على مضض .......وش صاااااار .... ع طريق الرده ...... يعني فنص الدرب .... نزلوه هوه وسيكله وقالوله تعال البيت ..... صح مابعيد لكن ظلاااااااااام .... شفتوا السياسه .... عشان يحرم ..... هع هع هع
|
#8
|
|||
|
|||
|
#9
|
||||
|
||||
ايام السيكل كنت كل يوم اروح نزلة واركبها الين فوق وبعدين انزل وقبل ما اوصل تحت اضرب بريك بالنعال الين تسحل النعال كامل والله ايام والحكايات واجد
|
#10
|
|||
|
|||
اقتباس:
|
#11
|
|||
|
|||
اقتباس:
|
#12
|
|||
|
|||
اما انا صراحه
كنت في يوم وانا صغير عمري اظن 5 سنين جاي منهد صوب مدخل عماره في مسقط وكان الباب مفتوح على برع وانا جاي باغي ادخل يمين يعني فردة الباب قدامي ومدخل العماره يكون على اليمين والا انخش في الباب وطاحن ضروسي كلهن لكن سبحان الله كانت حجه بحاجه كانن ضروسي شي فوق وشي تحت وشي وارم وشي يضرب عود لكنهن من ذيك اليوم طلعن لي ضروس مستقيمه والحمد لله |
#13
|
|||
|
|||
أما أنا بصراحة كنت أسوووق سياكل
وأسوووووووووق أسووووووووووووق بس يوم أشوف يدار ما أعرف ألف السكان.. وتخيلو ا الموقف,؟؟؟؟ |
#14
|
||||
|
||||
اقتباس:
|
#15
|
|||
|
|||
وحليلي انا ما اشترولي سيكل يوم صغير اسوق بو اخوي,
ما اتذكر حادث استولي الحمدالله منتظم |
#16
|
||||
|
||||
ذكرتوني بأيام زمان
المهم مره كنت امشي بسرعه قصوى بالسيكل وشوي بغيت اوقف بدل عن اضرب بريك الخلفي ضربت البريك الامامي وما اشوف الا وانا طايح ع ويهي زين ما تكسرت ضروسي |
#17
|
|||
|
|||
أتذكر أن أخوي عنده سيكل وما ياطيني أسوقه ويوم من الأيام ذهب
أخي مع أبوي يزورو أحد الصدقاء في منطقة بعيدة شوي فستغليت الفرصة فقلت ياللة يا شاطر فضيتلك الدراجة ورحت إلى الشريعة أريد أتسبح من داخل البلاد حيث الطرق الضيقة والمعوجة والجدران مال الطين فقمت أنا عاد ومعي الدراجة أسوي رالي وتدعيم الجدران ما ود حد مع أني ما يالي طحتها هذي الشريعة من قبل بس أسمع عنها لاكن هذيك اليوم كانت عندي دراجة فعاد لازم أروح أتمشى الشريعة ونهاية الرحلة رجعت البيت كلي دم من أثر التصادم في جدران الطين |
#18
|
||||
|
||||
انا مره اريد اشتري سيكل مستعمل لكن قلت اجربه قبل
وفي الطريق دواخل رحت سكه ضيقه لاوبعد على سرعه مامصدق عندي سيكل وبعد شوي اشوف قدامي سياره وعلى يسار عمود كهربه فقلت عمود الكهربه ارحم من السياره ووقع التصادم وانكسرة ضرسي الاماميه وكل هذا السيكل ماشتريته, اشتريت جديد |
#19
|
||||
|
||||
سمعوا السالفة
يوم من الأيام اشترالي الوالد سيكل جديد وجالس أتمشابه في الحله ويوم بغيت ارجع البت قلت بزيد السرعه وجالس أقول أن السايق الخطير وبصوت عالي المهم يوم وصلت اللفه ما طاع السكان يلف واضرب حديده ما كهرب. ومره ثانية كان معنا معهد وكنت أتعلم فية انجليزي ومطير بالسيكل وفي نزله قوية ولم جيت ألف شفت شفت شايب قدامي بالضبط ولم لفيت عنه شاح السيكل والخاتمة ضريت في صرمه ومشبكة على الطريق لا سيكل بقى ولا شبك والصرمة الله يعينها وأن كل دمان وطعونات . رحت وتنظفت وحظرت المعهد كنه ما مستوي شي ومره ثالثة طالع أركض من الباب والحله سكيك ضيقه المهم واحد جاي مطير بالسيكل وأول ما خرجت من الباب دعمني لحق ما تلحق كا واحد شايح فصوب السيكل فصوب وأنا فصوب والرجال فصوب المهم جى الوالد وخبطنا بعصى بثنينا ما كنه سادتني الدعمه |
#20
|
|||
|
|||
أذكر كنا نتجمع كلنا أصحاب السياكل و ندور الحاره سكه سكه وبطبع كان في زعيم و دائما يكون في المقدمة وما يحق لك تسبقه. و في مره إنقلب الزعيم وعشان ما نضحك عليه قال بو ما ينقلب ما يعرف يسوق و صارت عندنا كالمثل أي واحد ينقلب يقول بو ما ينقلب ما يعرف يسوق.
|
#21
|
||||
|
||||
أنا أذكر موقف صارلي مع السيكل
لما كنت أريد أعبر من الفلج فيه قنطره أو معبر صغير عشان الواحد يقدر يمشي المهم أنا جاي مسرع وعلى منحدر بعد فمريت من ذاك المعبر ولكن من السرعه التاير الأمامي أنحرف شويه ودعم في حافة الفلج وطحت أنا على الأرض وصار وجهي من جهة اليسار كأنه خريطة شوارع |
#22
|
||||
|
||||
هههييييهههه هييي دهر السياكل...
الله يرحمك يالـــبااالووون ويالبريك بيدره... صراحةً ايام لاتنسى مع السياكل... دهر لمسابقه والترغيده بالسكيك والاموال... الصبح والظهر والعصر دواره ومن بعد المغرب تصليح وترقيع التيوبات... . . من المواقف: مره يوعيني جاس اتمدح قدام واحد "غريب بالحله" ويدور بسيكله وتو اذا انا المسكين جالس اتمدح إلا وانكب على ثمي قدامه.."مو هالحاله" ومره نازل من مطلاع"دك عووووووووود" ومكلووووووز علين قايل بس لكن بدل عن اضرب بريك ورراني دقيت بريك قدداااااااااامي وما شفت غير السيكل مشلق من ورا ومتقدمني قدامي..."وعادت ماحاله طالع من ذاك الدك.. |
#23
|
|||
|
|||
اقتباس:
ونفس الطريقه أخاف تطلع من حارتنا بس نحن كنا اكثر من مجموعه وكنا كل واحد منا يسمي السيكل بإسم بس لازم يكون غريب يعني ماتسمي اسم بطولي وكانت من ضمن الأسماء اللي اذكرها بعروه،العوجا،المقورفه،الم نفرطه،دعضوه،وغيرها لا أذكرها الحين |
#24
|
|||
|
|||
لا تذكرني بأيام زمان الله يخليك..
لكن أريد أنقل لكم تجربتي في عالم الدراجات.. كانت عندي دراجة من طراز 28 ( مال هنود) موديل عتيق رايحة صبغته بريك ما شي والغم دومه مبنشر... المهم أنا أشوف برنامج أبطال الجسارة هذك الأيام اللي يعرض على تلفاز السلطنة أنذاك... المهم أنا من تجي العصر أطلع السيكل من البيت، وأروح في ساحة كبيرة... وأعمل طابوقه وأسوي عليها لوح خشب، على شكل سلايد(سلوب) أوكيه... وأجيك من هناك مفتر من بعيد مأئتين السحبية.... المهم بقفز من هذاك اللوح فوق فوق وبعدها أطيح على وجهي وخذيتها الفايده... ويالله أبوي ستبلابي يشلني المستشفى.. رغم كل هذا حصلت فايدة أني ما داومت المدرسة اليوم الثاني وأنا فرحان ومستانس.. ودمتم في رعاية الله وحفظه... |
#25
|
|||
|
|||
انا اذكر لما كنت صف الرابع كان عندي سيكل رقم 16 وكان الله يعين لو تشوفوا حالته . التاير القدامي يرج( ما فيه غير المسمار والتاير) وكنت على كل يومين اغير له المسمار . الله يسلم حالكم غي يوم من الايام كنا جايين انا وزميلي وكانت موجودة نزلة كبيرة ولما وصلت نصف الطريق ما دريت غير التاير فصوب وانا وبقية السيكل في مكان ونتج الحادث عن اصابة جنب العين وشموخ في اليدين وضربه قوية في الركعة وصراحة جلست في مكاني انا والسيكل اكثر عن ربع ساعة في مكان الحادث والدشداشة طابقة في السنسلة . تصدقوا حتى لما سرت المستشفى الدكتور استغرب ان هذا حادث سيكل على باله حادث سيارة
على العموم السيكل جاء يشتريه ولد الجيران واتفقنا ان واياه على اربعة ريالات على بالي انه يعطينياهن وتصدقوا ان الى يومكم هذا والفلوس ما طلعن الله يسامحه |
#26
|
||||
|
||||
السياكل
انا كان عندي سيكل 16 لونه دمي اشتراة ابوي بالغصب وبضارب وعاااااااااااااااااااد التظيف والتلميع كل يوم الصبح والعصر .
وفي مره كنت اتمشي جنب ملعب مال كورة في حارتنا وكنت امشي شوي شوي . وما حسيت غير بكورة في راسي ومن شدة الضربة طحت من فوق السيكل ( تخيلو الموقف ) وتعورت في الركبة وفي الكوع . كان الطين يابس . وفي مرة وفي نفس السيكل الدمي . ...... وكان هذا في رمضان في الليل كنا شله نداور في البلاد ومسوين حشرة وصداع انا قلت بخالف ربعي في الطريق ورحت من اللفه الثانية عشان نلتقي في مكان واحد وعند لفتي دعمني واحد من الشباب ومسكين تعور في راسة وخاطوه اما انا تعورت في الركبة اسميها ذي الركبة ؟؟؟؟؟؟؟؟؟؟؟؟؟؟ وفي مرة بس هذه المرة في سيكل اخوي (( شوف الجنون )) قلت بجي بسرعه وبعق عمري ف البحر والله وجيت بكل ما اوتيت من سرعه وفعلا عقيت عمي في البحر لكن تعورت اصابه بليغه ف ظهري لانه السيكل انقلب ع ظهري ولحد الحين آثارة باقية .. |
#27
|
|||
|
|||
الله يا ايام السياكل اول اللي عنده سيكل مثل اللي عنده سياره الحين
من المواقف مع السياكل وهي كثيره اذكر كنت اسير بالسيكل بطريق فرعي ودخلت بسرعه على طريق عام وما دريت الا انا والسيكل تحت سياره كابرس دعمني نزل راعي السياره ومع ناس وسحبوني من تحت السياره وانا متعور حيل وقالي راعي السياره وين بيتكم وين ابوك وكنت اخاف يدري ابوي ويضربني قلت بيتنا بعيد قالي راعي السياره وش تبي اوديك المستشفى قلت لا ابي السيكل ضحكوا علي الموجودين قالي راعي السياره ما تبي شي ثاني قلت لا ابي السيكل قال خذه الله لا يردك خوفتني خفت انك ميت واخر شي تبي السيكل والله بغى يضربني لكن ربك ستر اخذت السيكل وانا عرج وحالتي حاله واقوم واعدل السكان( الدركسون) بين رجولي والله يحفظنا ويحفظكم |
#28
|
|||
|
|||
|
#29
|
|||
|
|||
هههههههه
ما شاء الله عليكم كل واحد قصه وحكايات مع السياكل اما انا فكان ممنوع اطلع برا الحوش بالسيكل يعني ما عندي اي سالفه |
#30
|
||||
|
||||
اقتباس:
السرعه ميتين |
#31
|
||||
|
||||
اقتباس:
ذكرتني بمسرحية سوبر سطار |
#32
|
||||
|
||||
اقتباس:
|
#33
|
||||
|
||||
|
#34
|
|||
|
|||
ياريت ياريت بعد التعب راحة
|
#35
|
|||
|
|||
اقتباس:
الله يسلمك ويحفظك من كل شر
|
#36
|
|||
|
|||
آه يا خواني تركم ضحكتوني لين شبعت أما أنا صحت سنتين أبا سيكل بس الوالد الله يرحمه ما طاع يشريلي والوالده تقول يوم بتنجح ويوم أنجح يشرولي ساعة ولا شوية لعب.
وفي وحدة م الإجازات قرر الأهل يزوروا أهلنا في بهلا وسرت معهم وهذا بعد ما تقلبت شوي ع ظهري وبطني في الشمس .... هيه يا خوتي تره ذيك اليوم ما تروم تلز ع سيارة يشلوا عليك بخيزران..... وحن عاد ما نشوف سيارة غير نموت فرحة ..... بس عشان نشوف العداد كم معطاي. عاد يوم نشوف جي تي أبو حشة نتولف ع الجامة نصط العداد... آه يا زمان. عموما آخر شي رضوا الأهل يشلوني بس السيرة كانت في بيكب. كنا مشتلين بعد العشاء.... ووصلنا نزوى قبل الفجر بساعة .... ونمنا شوية قدام جامع السلطان ف نزوى قبل البوابة الكبيرة وكان جديد بس الأسف الباب مقفول. ويوم طلع الصبح وحن في سوق بهلا عاد ما سياكل معهم حتى الشيوبة يعروا سياكل........... حشا وعاد أنا عيوني يمين ويسار عالسياكل.... البالون وأبو سيت والثمانية وعشرين وأنا أعد ... بس مارمت. عاد طلعنا م السوق شارين شوية زوارة ح الأهل ورحنا معهم .... واشوف السياكل تارسة البيت ما شاء الله ... قلت وش ها النعمة هالناس منهين يجيبوا هالسياكل ذي. عموما عاد تعرفت ع الأهل وكان عدهم ولد شوي أكبر عني وبمرة علمني السواقة وما خلينا سكة ف حلة بيمان ولا طوي غير دخلناه.... وكانت بعض المزارع نازلة تحت في حفر وعاد اللي ما عنده بريك واغيابة. عاد أنا ذيك الأيام تقول كنه معرس طالع شهر العسل....أقصد شهر السياكل ..... ولا دخلت ف غيبوبة كلها سياكل ف سياكل..... بعد كمين يوم عاد سرنا السوق بالسياكل ودخلنا محل الأهل ومتروس سياكل .... وبرع الدكان سياكل أشكال وأنواع.... وعاد يخوتي هالمرة أنا ما صدقت عيني. بعدين قام أبو صديقي هاذا ويطرش ولده يودي أغراض يمين ويسار..... أما أنا ترى عاد ما فوت الفرصة درت أركب السياكل واحد واحد وأجربهن عند المحل..... بس الأسف الزين ما يكمل كان أبو صاحبنا صاك التواير بسنسلة عن حد يسرقهن. عموما مرت كمين يوم وقبل الروحة مرينا نسلم ع ود العم ف الدكان قبل لا نغادر بهلا.... وقام يعطينا من خيرات بهلا ف ذيك الأيام .... كل شي ينزرع معهم ... الثوم... الدنجو.... وغيره. بس يوم شافني أتشوف السياكل وو دعهن ما هنت عليه أروح ويديني فاضية.... وعاد والله ما أختار لي سيكل.... أضن الى اليوم ما شي كماه ف بلادنا. وعاد مارضى الوالد ويا ريال ما يريد وبيخربه والشيمة وهاذا ياهل و...... هاه ما يريد وبيودر المدرسة..... وعاد أنا الدموع تارسة العين وأناظر ود العم خايف يغلبه الوالد .... بس في الأخير تم الإفراج عن السيكل وحملوه ف البيكب .... ومشينا وأنا ما شوف جدامي بس أعاين ذاك الشبح اللي مصفوط ف الكريل م الجامة اللي في الغمارة . والله ما خلصني .... بس كنت أحرصهم يوقفوا عند شيشة بترول وبغتنم الفرصة وفنص الدرب بنشر علينا التاير ووقفنا وعاد ما فرحت أنا .... ويوم خلصنا مغيرينه ما طعت أركب جدام معهم... عقيت عمري ف الكريل بيا ذاك الشبح. والبيكب يمشي وأنا موقف السيكل ع الوقافية وأسوقه ف الكريل..... الله يخواني أيام .... والأهل ميتين ضحك يعاينوني م الجامة وأنا فعالم ثاني................ثاني. وعاد يوم وصلنا بالسيكل العجيب البلاد.... هاذي عاد روحها قصة تبيلها يلسة ثانية..................... وآسف عالتطويل تعبتكم معاي. آخر تحرير بواسطة andy : 08/10/2006 الساعة 09:40 PM |
#37
|
|||
|
|||
اقتباس:
عاد نحن كنا نسوي بترول في السلسله ونولع نار ونسوي استعراض وأولاد الحاره يتجمعوا بس لازم واحد يرجع على الأقل محترقه رجله أو الدشداشه |
#38
|
|||
|
|||
ذكريااااااااااات حلوة
والله استمتعت بها كثير .. |
#39
|
|||
|
|||
اقتباس:
الشياب و العجائز ما سلموا من سياكلنا كم شيبه وكم عجوز دعمناهم.في واحد منا دعم مؤذن الحاره وفيه ذلك اليوم ما سمعناه يأذن لكن صاحبنا أيضا ما سلم من الخيزران. |
#40
|
|||
|
|||
اقتباس:
ها ها ها عاد ما قاعدة بو ما ينقلب ما يعرف يسوق |
#41
|
||||
|
||||
اقتباس:
موقف جميل بالفعل |
#42
|
|||
|
|||
الله لا يحصل لكم اللي حصلي
كنت أسوق السيكل داخل البلاد ولاتوجد انارة وكانت ليلة 29 أو 28 وكانت الساعة التانية عشرة ليلا وفجأة وجدت مطب أمامي وما أشوف الا الاطار الامامي يتبطل من السيكل ويطيح في النخل وعاد تصورا نصف الليل والدنيا ظلام اش اللي حصل
|
#43
|
|||
|
|||
الله يهديك ذكرتني بندبة في رجلي وسبتها السيكل من وانا وضغير
|
#44
|
|||
|
|||
أذكر يوم كان عندي سيكل .... شفت في التلفزون مرة وحدة واحد يطير بالسيكل ماله عن طريق القفز من اللوح
... أنا قلت أسوي كماه .... فجبت لوح و حطتيه مايل على طابوقة ... و أرجع بالسيكل يجي مسافة 100 متر .... و أدوس عليه .. (و صلت السرعة 100 كم/الساعة خلال 6 ثواني بس ) ... ويوم أني أوصل عند اللوح .... الدنيا أتشقلبت فوق حدر و يوم خرج أخوي شافني متشمخ و حالتي حالة .... قالي مو أ ستوى ... قلتله ما شفتني يوم طرت بالسيكل .... لكن المشكلة ما عرف كيف أهبط صح و أتشقلبت ... و انا ما أرتفعت حتى سنتي واحد .... أما كانت أيام |
#45
|
||||
|
||||
اقتباس:
هذه أنا عملتها بعد ولكن طلعت أذكى منك بكثير أنا ما حطيت لوح أنا حطيت مربعتين طوال عند بعض ورفعتهم في حصاه كبيره وجيت وتفلت في المره الأولى نجحت لأنه السيكل جا في مربعه وحده بس وقفز فوق وسلمت سلامه لكن ما هجاني وقلت بحطم الرقم في القفزه الأولى وأرجع بالسيكل من مسافه أكثر شويه وسرعه أكثر بعد لكن السيكل نقع فيني خيانه وجا بين المربعتين وأصطدمت بالحصاه الكبيره وأتشقلب السيكل فوق تحت أنا وهو الحمد لله أنا سلمت سلامه بس شوية شموخ بسيطه وأما السيكل فراحن صباعه الأماميات وأنحنن وتم التاير يحك ويسوي صوت فكرت نفسي سوبر مان وتفشلت بعدين من الجمهور |
#46
|
|||
|
|||
انا من حتمت على نفسي ما سقت شي سياكل <<<<<<<<<<< بكلم نفسي ( براجع الماضي )
ـــــــــــــــــــــــــ ـــــــــــــــــــــ المهم ..... كان ودي أخبركم عن سالفتي والسياكل معي ,, لاكن عارف انكم ما بتفهموني ,, لأني ما بعرف اشرحها لكم = ما راح تفهموني ...... خلها مستوووورة |
#47
|
||||
|
||||
اقتباس:
|
#48
|
||||
|
||||
|
#49
|
||||
|
||||
غريبه خلصن سوالفكم ولا أيش
|
#50
|
||||
|
||||
الله على ايام زمان .. اتذكر ان والدى رحمه الله اشترالى سيكل وكنا فى ( البحرين ) عشان اروح فيه المدرسه وما كنت مصدق ان عندى سيكل فكنت اعطى نص مصروفى حال اخوى وانا اروح ادور بالسيكل وارجع البيت وبعد شهر المدرسة رسلت انذار حال ابوى ولما عرف السالفة قفل السيكل وخلاها فى الحوش عشان اشوفه كل يوم .. لا والغم كنت لازم امشى اكثر من نص ساعة عشان اوصل المدرسة وتميت شهرين كل يوم اشوف السيكل واتحسر وقلت توبه .. ولولا واسطة الوالده العزيزة الله يطول عمرها ما كنت اسوق السيكل مرة ثانية ...
|
أدوات الموضوع | البحث في الموضوع |
|
|
تقييم هذا الموضوع | |
تقييم هذا الموضوع:
|
|
|