|
#1
|
||||
|
||||
ما كذاك الوطنيه حبابيني !!!
صباح الخير ، اليوم بدون مقدمات ... كما كل يوم نفس المكان ونفس الظروف ونفس المغثان
اللي ما يدري ... أنا صار لي بالسنه 23 سنه وأنا كل يوم (ما عدا أحيانا الخميس والجمعه والعطل الرسميه) وأنا الصباح أسمع إذاعة سلطنة عمان من بعد صلاة الفجر بشويه يلين أوصل بسيارتي الدوام ... بعضهم يقولولي ما أقواك ... أقول لهم بو مقوني ومصبرني بعد الله سبحانه وتعالى هو حب كل شي بالوطن مهما كان مستواه أو جودته واللي مصبرني زياده هو الأمل إنه فيوم من الأيام بيكون الأشياء طعم أحلى شويه ... يظل أمل ... الوقت دقائق معدوده بعد السادسه صباحا ، وأنا فالطريق ، وكنت أنتظر فيروز ولا ليلى مراد ولا حتى أذيك الأغنيه الصباحيه بو كأنها نشيد مال مدرسه... خلاص ما عليه يالله أذونا تعودت عليها ولكن فجأه ... دوي إنفجار قوي وأقبض استيرنج زين زين ... ولا كان أتشوح الزياره وأننقلب ويروح المندوب من صيد أمس ، أول شي أنا ظنيته فالخارج (كما نقعة تاير) والتفت أدور ما لقيت شي بعدين تأكدت إنه طالع من داخل من عندي من جهاز الستيريو (من الإذاعه يعني) تو موذا ؟ تفسر بعدين إنه موسيقى ، وبعدين طلع واحد كأنه حد خانقنه ، وبعد جهد جهيد اتضح لي إنه يغنني أغنيه وطنيه ... لا حول ولا قوة إلا بالله العلي العظيم ، آخر انتزقنا وكان أننقلب وأنموت والسبب انته ... لكن ما منه مسكين الرجال راقد فبيتهم ، من ذيلا بو يحطوا برامج الصباح لكن نوبه هوه ... أنعطيه شغله شويه ... تو بالله عليك انته ، هذيك أغنيه وطنيه ؟ ... يفترض منها أن تثير الحماس والوطنيه ؟ ... والله كأنه واحد يقرأ قصيدة مالد من كتاب "البرزنجي" أو "الديبعي" ... يا جماعه الغناء له أصوله ومقوماته ... تركوه ... خلوه لأهله ، بو متعرفوله متعرفوله ، وبو ما حالكم ما حالكم ... حاموه راكبينها بلا حلس ؟ وانتوه بو تحطوا البرامج ... أسألكم ، تعرفوا الهدف من الأغنية الوطنيه ؟ والله العظيم ما تعرفوا (بالأحرى محد قالكم) موه الهدف منها أو أية مادة إعلاميه تقع ضمن حمله إعلامية مخصصة لمناسبة ما "Special Media Campaign" ... لو تعرفوا كان ما تحطولنا أغنيه مارشاليه وطنيه الساعه 6 الفجر ... كم واحد صاحين ذيك الساعه وبيسمعوها ؟ ، ما كذاك التعبير عن الوطنيه حبابيني (كيه حنه أنغرقكم وطنيه) ... سيروا شوفوا البيدار بو طالع فوق قمة نخله ويصيح لال فبيتين مقصب رزحه: كان عسعس ظلماها محنا ... واختبص في مهدها والجبال نور قابوس زاح الظلم عنا ... راعي الحق وميزان العدال فوق نخله ، شوكه تطعنه من هنا ، وخوصه تدغصله عينه من هنا ، ما قال رصدولي ميزانيه عشان أعمل لكم برامج وأغاني وطنيه ... اختصر وزارة الأعلام وأجهزتها وميزانيتها في دقيقتين على قمة نخله وصاح : سلطاننا نور وحجاب ... سد المظالم بابها صبح الغنم عند الذياب ... لي شاخصات أنيابها ألا ترونه أبلغ وأصدق وأرق من خرابيطكم المصطنعة من فجر الله ، عن المكابره ، سيروا أيعطيكم دروس فالوطنية الحقة ، ما وطنية الميزانيات !!!!!!!!!!!!!!!!!!!!!!!!!!!!!!!!! وتو انتوه أعزائي تعرفوا شغلكم .. بو عنده كلام زياده يعرف موه يسوي وبو ما عنده شي يقوله أيضا يعرف مو يسوي آخر تحرير بواسطة المندوب السامي : 11/11/2006 الساعة 06:39 AM |
مادة إعلانية
|
#2
|
|||
|
|||
مشي حالك
ابوي بس كذا انته حصلت فيه غير وايد اتسمع في الليل |
#3
|
|||
|
|||
حد تعور !!
|
#4
|
||||
|
||||
اقتباس:
تو لين متى وحنه نبقى تمشية أحوال ؟ ما باغين نبدع ونضيف قيمه لعملنا ؟ ما أحد ما يحب الحملات الإعلاميه الوطنية بما تشمله من برامج وأغاني ، فلا توجد أمة بلا مناسبات تستذكر فيها انجازاتها وتستجمع قواها وتستلهم من ماضيها من أجل مواصلة المسيره لكم ما كذاك ... أغاني ميته وبرامج سطحيه للغايه ، والساعه 6 الفجر ... تو موه سمه ذا الشي ؟ |
#5
|
||||
|
||||
صباح الخير...
حبايبنا ظلام معنا...انطفت الكهرباء تو كأننا في منطقه ناءيه,,,ما كأننا في مكان عمل |
#6
|
||||
|
||||
اقتباس:
البيدار من كثر الطرب قام يرقص وطاح من فوق النخله
بس ما تعور ... حمته وطنيته |
#7
|
||||
|
||||
اقتباس:
أرسل لك بقلي
|
#8
|
||||
|
||||
صباح الخير يا بلادي
|
#9
|
|||
|
|||
ألا تعلم بأن العيد الوطني قرب فلا تستغرب من الاناشيد الوطنية لأنها تأتي في كل وقت وفي كل لحضه كان في الساعه 6 صباحاً أو الساعة 1 ليلاً الناس تحتفل
ولحين بعد من جالس يطلع النخيل تراه عاد تربعاً وإذا طلعوهن تراه ما يطلع غير البنجاليه موه باغنه هو يجلس ينشد ويعوب |
#10
|
||||
|
||||
اقتباس:
كان عندكم البنجاليين يطلعوا النخيل هيوا ، ولا عندنا حنه يكذب شاربه بنجالي يوطي رجوله فنخله ...
|
#11
|
|||
|
|||
اقتباس:
|
#12
|
|||
|
|||
صباح الخير للوطنيين
|
#13
|
||||
|
||||
اقتباس:
لا .... والله العظيم ما غلطتي ولا شي انتي تقولي الواقع ، حتى لو كان مؤلم ، وهكذا يجب ـان نتعاطى من مفردات حياتنا اليومبه ، بواقعيه وبصراحه وبشفافيه دمتي ، ودامت طيبة قلبش |
#14
|
||||
|
||||
اقتباس:
صباح الخير (أهل العيقه)
العري بو قالي |
#15
|
||||
|
||||
اقتباس:
صباح النور يا ميمي 999
هين كمالة الألف ؟ |
#16
|
|||
|
|||
اقتباس:
كأنا طلعنا من صلب الموضوع |
#17
|
||||
|
||||
اقتباس:
ومن قالش إنه السحل ولمتق ولغفار ما من صلب الموضوع
كيه حنه حياتنا مو مبهدلنها غير لمتق |
#18
|
||||
|
||||
اقتباس:
استاذي وعزيزي المندوب السامي ....... اسمه بالعماني تغلفيط .... او تغلفيس ... وفاقد الشيء لايعطيه ... برامج الصباح والله رجعتني للخلف لاتحدث عن ذلك البرنامج ....... عشر سنوات وانا اداوم من الساعه السادسه ولا اجد الا تلك الاغنيه الزراعيه ........ حتى مللت الاذاعه وكأنه مكتوب علينا ان نفطر عليها .... اخي ومعلمي .... لو ناديت لاسمعت حياً ولكن لاحياة لمن تنادي .... الغم الاكبر ما هنا وبس ..... الاخبار .... عشر دقائق للمقدمه وساعه وعشر دقائق للمراسلين ....... ملينا وملة كبودنا ونقعة من الملل ..... لكن مو تسوي .... تراه سب وعطوهم شغلهم فـ العديد من البرامج .... لكن مسوين ذن من طين وذن من عجين ............... وكان ماعاجبنك يا مواطن الاذاعه عندك تغير ...... ويوم تجي تبى تغير على الامارات اف ام .... وخاصة في مسقط يشوشوا عليها الا عن حد يوصل لترددها الا ذيك السيارات العوده ... اما قوم فقيرووه يالله تطلع مرات بالصدفه .... وخاصة اذاعة القراءن ... يوم تسمع الحبيب تفسير القراءن من الصبح اكيد بتلعن خامسها بو اذاعه معنا ... بو الجداد يخرف حال ولاده ... والا ايش تقول كلمات ذي الاغنيه ...
وسلامتك . |
#19
|
||||
|
||||
اقتباس:
الله يسلم كل غواليك
لا حول ولا قوة إلا بالله العظيم معلم كافور ، ما أحسبك لمتعلث ، أشوفك تدور عليهم لسبب لكن هل تعتقد أن هالقصه تكمن وراء قلة إمكانيات ولا قلة كفاءات (عقول يعين) ؟ |
#20
|
|||
|
|||
صباح الخير يا وطني
|
#21
|
||||
|
||||
مقصب رزحة
موضوع ممتع تعال كل يوم |
#22
|
||||
|
||||
اقتباس:
|
#23
|
|||
|
|||
صباح الخير يالمندوب
كيف حالك مو تبالها تسمع الاذاعه تعور راسك من الصباح...انا اسمع امارات اف ام واريح راسي احسن...كل يوم اسئله... سلم على البيدار...لا يكون انت تتكلم على جارنا البيدار.. تو بسير اخبره... |
#24
|
||||
|
||||
اقتباس:
صباح النور ... وين الوطنيه ؟ ... وين الانتماء ؟ ... وين الاحساس بالمسؤوليه ؟
صدقيني أنجلس نتابعها ، وأنجلس ننتقدها ، وننتقد بو قائمين عليها ، يلين أنطلع حق الوطن من عيونهم ... البيدار ما هوه بو سيار بيتكم ، كيه النخيل بو حيت بيتكم كلها ميته ... |
#25
|
|||
|
|||
اقتباس:
الوطنيه موجوده بس من كثر مانسمع ونشوف يعورنا فوادنا ...اذعاتنا غير عن كل الاذاعات...بس مو نسوي مانروم على شي...خليهم يمسكونا احنا الاذاعه وبيشوفوا مو بيستوي لا تقول عن نخيلنا ... شوف نخليكم انتوا .. والوادي قدامكم....كلهن متقلعات... |
#26
|
|||
|
|||
مساء النور والسرور
بصاحبنا بطل معمور للمندوب السامي طلع صاحبنا راش بخور |
#27
|
|||
|
|||
اقتباس:
اما البيـدام مسكــت ،، نعم يغرد من فوق نخله ويشتغل بحماس ، والي يمر جنبه يرد عليه ،،،، سيدي قابوس يانور الظـلام ،،، آخر تحرير بواسطة مقعـار : 11/11/2006 الساعة 12:42 PM |
#28
|
|||
|
|||
أنا من أطلع من البيت ما أفتح الاذاعه أبدا أعرفها انها مغثان من الصبح لين اوصل العمل وانا مريح راسي من الصدعان .
|
#29
|
||||
|
||||
سمع شيه ذي الهرجة....
تراه الله يسلم حالك تو مشان العيد الوطني لاه لازم يسويوا اغاني... |
#30
|
||||
|
||||
أول مرة أقرأ موضوع بالكامل
أحسنت ولدي موضوع غاوي أقول السبلة اليوم معطاية شي تراني بشيب منها بطيئه واجد ما قادرة أفتح ولا صفحة ما حالة هذي |
#31
|
||||
|
||||
سامحوني
ما رمت أرد عليكم واحد واحد ، خاصه بو جيوا بعدين صار لي 3 ساعات باغي أدخل الموضوع وما رايم المهم تو ... تقبلوا تشكرات حضراتنا لحضراتكم أما الردود بالتفاصيل بعدين من تتصلح السبله ... |
#32
|
||||
|
||||
اكتفي بهز الرأس
3times |
#33
|
||||
|
||||
اقتباس:
اهاااااااااا
يعني ما وحدي عندي السبلة بطيئة كلكم عندكم بطيئه الحمد لله إلى الشكاوي معتدل سر |
#34
|
||||
|
||||
اقتباس:
ماشي مقبول يالزيتونه |
#35
|
||||
|
||||
اقتباس:
راش بخور
ياخي هاذي موه من اللغات ؟ أفغانيه ؟ سمعتها مره في مقابله مع أحد مقاتلي طالبان |
#36
|
||||
|
||||
اقتباس:
وستادي المندوب ..... انت عارف وسيد العارفين ان الدوله والحمدلله مامقصره من ناحية الفلوس بس تراها العقول بو تدير ذيك الفلوس يبغالها ترميم .... والا بالله عليك وعلى المشاهدين شيء اذاعه تطورها بطيء اكثر من ذي الاذاعه .... وعاد يوم بغوا يغثونا ويمسخرونا ويخلونا مضحكه امام العالم فتحوا قناة الشباب واي شباب عاده ما اخبرك ذيك الاخت الدبه موه تلوجه اللهجه مره مصري مره لبناني ومره عماني ... وحدي بغيت اعرفها من اي جنس ما قدرت وعاد الحكي ما ملغ والا الضحكه تتصرقع .... الله يعينا على ذا العقول والله يرحمنا .. |
#37
|
||||
|
||||
ذكرتني بالمدير |
#38
|
||||
|
||||
اقتباس:
|
#39
|
||||
|
||||
اقتباس:
أي مدير ؟
|
#40
|
||||
|
||||
اقتباس:
أنا ما أسمعها مال الشباب
الحق حق ، أنا شايب وأستمصخها على حسب ما توصفها ... |
#41
|
||||
|
||||
صباح الخير أعزائي
اليوم واجد عندي سوالف ... بس خلوها لبكره ولا بعد بكره أولا لأن الأفكار لم تنضج بعد ، ثانيا لأننا لم نشبع هذا الموضوع نقاشا وتغطية بشكل موضوعي هيا إلى النقاش الموضوعي لو سمحتم ... أنا مفتقد جماعه صار لي يومين ما أشوفهم فالسبله ... عسى المانع خير وين Some 1 U Know و Omani Booy و العراقه ؟ سأمنحهم لغاية بكره ، ثم نعلن حالة الطوارئ ونطلق فرق البحث بقيادة جمووووع الجفووول و مرهون السفن آخر تحرير بواسطة المندوب السامي : 12/11/2006 الساعة 06:26 AM |
#42
|
||||
|
||||
اقتباس:
http://om.s-oman.net/showthread.php?t=329575 |
#43
|
|||
|
|||
اشك في انه الي مو من الداخليه ما بيفهم شي
كلام قحي على اصول خفف شوي علشان يفهموا خلق الله |
#44
|
||||
|
||||
اقتباس:
وابوووي غابت الشله كلها ... 3 بمخباط واحد ؟
مريت بسرعه على المداخلات اللي فالموضوع ، وما لقيت ما يشير إلى تجاوز واضح إلا إذا كان هناك مداخلات تم حذفها مشكوره |
#45
|
||||
|
||||
اقتباس:
كوني واثقه ... trust me يعني
إنه أنا ما من الداخليه ولا يوم عشت فيها ... لكن بو باغي يتكلم عماني يروم حتى لو يعقوبه فمغيب الشمس هين جانب نوبه ذا مغيب الشمس ؟ وبو باغي يفلغ لسانه ويقلد ( شلونج وما شلونج وجيه وما جيه ) نوبه يروم صاه كل عما يشتهي المرء ويتمنى |
#46
|
|||
|
|||
التكرار هو اساس المصيبة ..
لان التكرار يقتل الابداع .. |
#47
|
|||
|
|||
اقتباس:
اسمحلي بس اريد اسالك دوام مو هذا بو انته تداومه وجالس ع النت 24 ساعه؟؟ |
#48
|
||||
|
||||
اقتباس:
|
#49
|
||||
|
||||
اقتباس:
فليسقط
التكرار وليحيا الابداع |
#50
|
||||
|
||||
اقتباس:
الدوام لله
|
|
|