سبلة العرب
سبلة عُمان الصحيفة الإلكترونية الأسئلة الشائعة التقويم البحث مواضيع اليوم جعل المنتديات كمقروءة

العودة   سبلة العرب > سبلة السياسة والإقتصاد

ملاحظات

 
 
أدوات الموضوع البحث في الموضوع تقييم الموضوع
  #1  
قديم 12/11/2006, 01:17 AM
حامي المعبر حامي المعبر غير متواجد حالياً
عضو جديد
 
تاريخ الانضمام: 18/10/2006
المشاركات: 30
مكعيل و سوق العقار العماني

هذه قصة منقولة من احد المنتديات بعد انهيار سوق الاسهم السعودي.


مكعيل هذا رجل بسيط يماني من صعدة .. بلغني أنه من يهود اليمن ..

الناس هناك مسوّين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة.
السيد مكعيل صفّ معاهم وحطّ بسطة مافيها شي .. ما غير علبتين مليانة تراب "قواطي متربة" ..!

الناس تروح وتجي وتبيع وتشتري وذا المهبول كل يوم قاعد قدام ذا العلب ..
لا هو راضي يغير النشاط ولا أحد حاول يشتري منه شي ..

هاك اليوم جا أحد المحسنين .. وعطف عليه ..
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!

الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..

اندهش المحسن ..!
قال : طيب اللي يشتريها وش يستفيد ؟
قال مكعيل : لو ما أحد شراها منك انا أشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
أبي أتقرب إلى الله وأفك عقدته وأشتريها منه وخلصنا ..
والصدقة تجوز على الكلب..
قال له : بكم هالعلبتين اللي لها سنة عندك ما أحد شراها ؟
قال مكعيل : الوحدة بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..

وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...

قال المحسن : إشفيك .. إشفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني ... ، قال المحسن : شفيهم ؟
قال مكعيل : عندك ؟
ناظر المحسن يسار الباب .. شافها منطولة .. قال : إيه .. موجودة
قال مكعيل : تبيعها ؟

اندهش المحسن وفغر فاه .. قال : انا إلحين مسوي فيك خير ومخلصك منها ..
تجي تشتري ثانية .! والله ما تلقى احد ياخذها منك بعدي ..

قال مكعيل : اخلص علي .. أبعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود أعطيتك بس تكفى جبهم لي ..
قال : المحسن : لا لا كذا كفاية تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل أخذ العلبتين وروح ..

يوم جا العصر والا هالرجال الطيب معلم جيرانه كلهم عن مكعيل وسوق مكعيل ..

قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..

اندهش الجميع وبدأ سوق مكعيل يثير فضول الجميع حتى التجار الشطار ..

جوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له أكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطة ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ..


ويقوم مكعيل هاك الليلة ويدور بالديرة كلها ما خلى جرف ولا دحديرة في قرية صعدة الا فتش فيها عن قواطي قديمة ..
ادخلها بسطته بدون علاوة اصدار حتى ..

وعباها تراب وبسط فيها اليوم الثاني

صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..

المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق

وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح ..
مكعيل يالله امداه يتلاحق على عورته بغوا يشيلونها مع القواطي يحسبونها علب ..!

عاد الاخوان هناك في صعده يقعد قدام بسطته القرفصاء ..
راز ركبه ورافع وزرته ومنحسره عن فخوذه ومتدليه اطرافها على جنوبه وعدتة مدلده .. والناس ما تميز وقت الزحمة ..

حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..

عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .

راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر .

قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!

صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،

وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..

المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..

معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!




فهل سيسحب مكعيل سوق العقار العماني بساطة ايظاً؟ ؟ ؟ ؟ ؟ ؟ ؟ ؟

نقلها إليكم

حامي المعبر

آخر تحرير بواسطة حامي المعبر : 12/11/2006 الساعة 09:59 AM
  مادة إعلانية
  #2  
قديم 12/11/2006, 06:37 AM
حكيم العرب حكيم العرب غير متواجد حالياً
عضو نشيط
 
تاريخ الانضمام: 21/08/2001
الإقامة: عابر سبيل
المشاركات: 982
قصة معبرة وذات معنى، العلب الصدئة الملوؤة ترابا والتى كان مكعيل يبيعها للناس بأسعار متزايدة هى عندى بمثابة المشاريع العملاقة التى أعلن عنها عندنا والتى لم تر نور الشمس بعد ألى أن يثبت العكس.
  #3  
قديم 12/11/2006, 06:48 AM
صورة عضوية مفاعل نووي
مفاعل نووي مفاعل نووي غير متواجد حالياً
عضو نشيط
 
تاريخ الانضمام: 16/04/2006
الإقامة: فــــــــ قلب من أحب ـــــــــــي
المشاركات: 398
لي عودة ..,,
  #4  
قديم 12/11/2006, 06:51 AM
نفون نفون غير متواجد حالياً
عضو نشيط
 
تاريخ الانضمام: 06/06/2004
المشاركات: 160
فهل من معتبر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
  #5  
قديم 12/11/2006, 06:59 AM
أبوقصي2005 أبوقصي2005 غير متواجد حالياً
عضو نشيط
 
تاريخ الانضمام: 30/11/2005
المشاركات: 175
أصدق ما قيل عن سوق العقار في عمان00000
أحسنت أخي الكريم تشبيه في ةمحله تماماً00
فالزيادات الخيالية في أسعار العقارات اغلبها بأسباب وهمية وليست حقيقية 00
  #6  
قديم 12/11/2006, 07:30 AM
العقارات العقارات غير متواجد حالياً
عضو نشيط
 
تاريخ الانضمام: 14/08/2006
الإقامة: العذيبة _ محافظة مسقط
المشاركات: 267
Angry السلام عليكم


قصة معبرة جدا و اتوقع تنطبق على اقتصاد العقار في عمان

هناك ارتفاع هائل و غير مبرر في اسعار العقار, اراضي بدون خدمات و تبعد 4 كيلومتر عن الشارع العام المصوف و اسعارها من 15 الى 18 الف...

حاجة غير منطقية, لكن هناك ايدي خفيه (انتو عارفينها) تلعب بسوق العقار و تتحكم بجزء كبير منه, والناس الى تعرف مسبقا مكان اقامة المشريع الكبيرة و تشتري قبل الناس و بعدين ترجع تبيع باضعاف الاضعاف, في النهاية المواطن الفقير و الانسان العادي و الاقتصاد العماني هو المتضرر من هذا الارتفاع غير المحسوب عقباه.


وزارة الاقتصاد الوطني و البنك المركزي لازم يكون لهم دور في هذا و خاصة توعية الناس حول مخاطر هذي الارتفاعات الهائلة في الاسعار, (طبعا وزارة الاسكان غسلو ايديكم منها )

وختاما ما بقول غير

فلنكدح من اجل عمان
  #7  
قديم 12/11/2006, 07:47 AM
Toole Toole غير متواجد حالياً
عضو جديد
 
تاريخ الانضمام: 28/10/2006
المشاركات: 56
موضوع جميل جدا والمقارنه في محلها .
وهذا إلي حاصل الآن .
  #8  
قديم 12/11/2006, 08:09 AM
حسان نزوى حسان نزوى غير متواجد حالياً
خــــــاطر
 
تاريخ الانضمام: 06/11/2006
المشاركات: 3
أشكرك أخي على هذا الطرح الموفق والقياس السليم، وأرجوا من المواطن أن لا يغتر بكلام مسؤول لأننا في الحقيقة شبعنا كلام نريد أفعال ،
  #9  
قديم 12/11/2006, 08:36 AM
العمرس العمرس غير متواجد حالياً
عضو نشيط
 
تاريخ الانضمام: 11/01/2004
الإقامة: مكان ما
المشاركات: 345
اشكرك اخي على النقل الهادف بس كنت اتمنى تحذف بعض العبارات الغير لائقة من وجهة نظري

آخر تحرير بواسطة العمرس : 12/11/2006 الساعة 10:04 AM
  #10  
قديم 12/11/2006, 10:01 AM
حامي المعبر حامي المعبر غير متواجد حالياً
عضو جديد
 
تاريخ الانضمام: 18/10/2006
المشاركات: 30
العمرس,

مشكور علي الملاحظة أرجوا تغير الإقتباس ايظاً.

حامي المعبر
  #11  
قديم 12/11/2006, 10:03 AM
صورة عضوية حد السيف
حد السيف حد السيف غير متواجد حالياً
عضو نشيط
 
تاريخ الانضمام: 10/01/2005
المشاركات: 800
قصه هادفه وعبره لمن يعتبر ولكن ........



كأني ارى إنهيار 1998 لسوق مسقط يلوح أمامي ولكن هذه المره فى سوق العقار..
هوامير السوق (مكاعييل عمان )....... رفقآ بالفقير


هل يمكن تثبيت الموضوع
  #12  
قديم 12/11/2006, 10:28 AM
جوّال جوّال غير متواجد حالياً
عضو نشيط
 
تاريخ الانضمام: 28/03/2006
المشاركات: 595
الله يستر أنا صراحة من زمان أقول هذا شغل مافيا. قبل 5سنوات الأرض في الخوض ب11 ألف والشارع المسفلت واصل والكهرباء وقريب من السوق واليوم بنفس السعر ماتحصل إلى في مكان لن تصل إليه الشوارع والخدمات إلا بعد عشرين سنة في أحسن الأحوال.إيش اللي صاير ماتعرف.
المشكلة الناس تصدق الإشاعة اللتي لاتدخل العقل وفي نفس يكذبوا الخبر الصادق المؤكد ، صحيح نحن في زمان الفتن.
  #13  
قديم 12/11/2006, 12:19 PM
العقارات العقارات غير متواجد حالياً
عضو نشيط
 
تاريخ الانضمام: 14/08/2006
الإقامة: العذيبة _ محافظة مسقط
المشاركات: 267
Smile السلام عليكم

اقتباس:
أرسل أصلا بواسطة حد السيف
قصه هادفه وعبره لمن يعتبر ولكن ........



كأني ارى إنهيار 1998 لسوق مسقط يلوح أمامي ولكن هذه المره فى سوق العقار..
هوامير السوق (مكاعييل عمان )....... رفقآ بالفقير


هل يمكن تثبيت الموضوع

وانا بعد اشوف كذا
الحذر الحذر
 

أدوات الموضوع البحث في الموضوع
البحث في الموضوع:

بحث متقدم
تقييم هذا الموضوع
تقييم هذا الموضوع:

قواعد المشاركة
ليس بإمكانك إضافة مواضيع جديدة
ليس بإمكانك إضافة ردود
ليس بإمكانك رفع مرفقات
ليس بإمكانك تحرير مشاركاتك

رموز الصور لا تعمل
رموز لغة HTML لا تعمل

الانتقال إلى


جميع الأوقات بتوقيت مسقط. الساعة الآن 02:37 PM.


Powered by vBulletin® Version 3.8.11
Copyright ©2000 - 2024, vBulletin Solutions Inc.
سبلة العرب :: السنة 25، اليوم 126
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.