عرض المشاركة وحيدة
  #9  
قديم 06/11/2006, 07:32 AM
Shahad MOHD Shahad MOHD غير متواجد حالياً
عضو نشيط
 
تاريخ الانضمام: 14/09/2005
المشاركات: 767
عسى الله يفرج همج ويعوضج بريال ينسيج الضيم اللي شفتيه
حبيبتي منو فينا كامل النعم, صدجيني بهالدنيا لابد اكو شغلة ناجصة في حياتنا, الدنيا دار ابتلاء وشقاء مو دار وناسة وكمال, نصبر عشان الله يرزجنا الجنة ونعيمها
انتي تبجين من الطلاق والوحدة ولقب المطلقة, غيرج يحسدج على نعمة الذرية, عالاقل عيالج بيدعولج بعد ماياخذ الله امانته , وتكسبين اجر التربية الصالحة فيهم كصدقة جارية,
تخيلي اللي ماتزوجت ووصل عمرها فوق الاربعين , لاذرية ولا زوج, وياعالم منو بيذكرها بعد موتها
اكثري من الاستغفار وفوضى امرك الى الله, لعل الفرج قريب
اعرف وايد مطلقات صاحبات عيال تزوجوا رياييل احسن من اللي تزوجوهم الانسات
هذا ابتلاء , ربج يحبج ويبيج تلجأي له وتسأليه, عسى الله يرزقج الزوج الصالح
روحي العمرة , الدعوات اهناك لاترد, وحذاري من الشرك واللجوء للمشعوذين والعياذ بالله
ادعيلج من قلبي