عرض المشاركة وحيدة
  #1  
قديم 30/12/2005, 02:02 PM
بهلاوي عماني بهلاوي عماني غير متواجد حالياً
عضو متميز
 
تاريخ الانضمام: 06/05/2005
الإقامة: بهـ BAHLA ـلاء
المشاركات: 1,360
المتكبرة !!!! ؟؟؟؟

طبعا قصيدة للشاعر طلال السعيد ، رد على لبنانية قالت بتهكم لاحد الشعراء ابعد انت واحد بدوي

قالت بدو....
صدت وقالتها بقرف....بنت الاكابر والترف ..
متكبرة متعاليه...! ....يعني بدوي يقعد طرف ..
قالت بدو ..
والمعني دون المستوى.....ماكنا وياها سوى ..
حنا بنظرها من نكون..؟....ريشه يطيرها الهوى ..
بمفهومها حنا عدد.....رقم ولا أكثر بعد ..
يعني مجرد تكمله.!....ولاهي أصل البلد ..
قالت بدو ..
تعني صفر على الشمال....هذا على أحسن أحتمال ..
تصدررر حكم مااااااتلتفت....تحكم ولا تترك مجاااااال ..
قالت بدو ..
متصورتني بأستحي....وأترك مكاني وأنتحي ..
تغيرت .. تفاجئت .. تلعثمت ..
ماتدري أني أبفتخر .. لي الفخر ..
حنا بدو حنا عمى عين العدو ...
حنا البداوة وضعنا .. وأهل الوفاء هم ربعنا ..
حنا نتفاخر بأصلنا .. يابنت هذا طبعنااا ..
ماهي بداوة تلفزيون ... ولا مسلسل أردني ..
بس بدوي بالميكرفون ... ولا هد سيفه ينثني ..
حنا بدو بيت السدو ..
حنا البدو ..
حنا بداوتنا الاصل ... بالقمة حنا مو أقل ..
حنا بداوتنا تراث ... من جيل الى جيل انتقل ..
حنا معاني سامية .. نروي السيوف الظامية ..
نرد المنايا مانهااب .. لو هي سعاير حامية ..
حنا البدو ..
حنا البدواة عيدنا .. ماناكل الا صيدنا ..
مانعيش عالة مجتمع ..نموت مانمد ايدنا ..
حنا بدو ..
حنا البداوة بدمنا ... مانسمي أحد عمنا ..
حتى ولو منهو يكون ... لو هو زعل ماهمنا ..
حنا البدو ..
حنا البداوة بعمرنا ... محد بيصبر صبرنا ..
لأنها مصنع رجاال ... نمشي وتمشي بأمرنا ..
حنا البدو ..
حنا البداوة أصلنا ... وحنا البداوة فصلنا ..
حنا بدو متماسكين ... وهذي نتيجه وصلنا ..
يابنت ياللي تضحكين ... قلتي بدو تستهزئين ..
غرك لباسك الأجنبي ... المشكلة ماتعرفيـــــن ..
إن البدو أصل العرب ... تبغين هالكلمة طرب ..
صارت نسب ..
ياآنسه .. ياعانسه .. ياضايعه ومستانسه ..
ياتارسه وجهك صبغ ... ياماليه عينك شدو ..

حنا البدو ..
ولو كان قلتيها قرف .. لنا الشرف إنا بدو ..
حنا بدو ..
حنا بداوتنا شيم .. دين وقيم ..
طيب وظفر .. معنى كبير ..
ماأضن مثلك يعرفه .. لو تدعين المعرفه ..
شي عسير ..
ماأظن مثلك ياصله .. صعبه ولا هي حاصله ..
كلمة بدو ..
يعني التمسك بالجذور ... ماهو التخلف والجهل ..
ولا بعد حب الظهور ... ولا التنكر للأهل ..
كلمة بدو ..
تعني الشيم .. فعل وكرم .. مبدأ حضارات الأمم ..
حنا القمم .. نار على راس العلم .. يشهد لنا سيف وقلم ..
وأن كان ماعندك خبر .. لنا الفخر .. لو عشنا ببيوت شعر ..
عيشة ألم .. عيشة فقر .. عيشة تعلمنا الصبر ..
مانقترض لأجل السفر ... ونحسب أيام الشهر ..
وما نقترض ونعيش واقعنا بحذر ... وبالضيق نرخص بالعمر ..
نشرب من الماي الهماج .. ونكحل نواظرنا بعجاج ..
وغسيلنا حفنة رمل .... هي الدواء وهي العلاج ..
عيشة رضا .. ماهي نكد .. مافيها تعقيد أبد ..
ساعات مافيها ذرى ... يكفي نتلحف بالنجووم ... وفراشنا رمل الثرى ..
وسراجنا نور القمر .. وننام من عقب العشاء ...
ونصحى قبل وقت الفجر .. نؤمن بالقضاء والقدر ..
ماهو كسل .. ومانعيش بلا أمل .. نملك طموح علم وأمل ..
نرعى الإبل ونرعى الغنم ..... ونعزف من الونة نغم ....
ونتابع أخبار المطر ... وندور الروض الخضر ...
ونسري ورى برق سرى ... ولا نتراجع للورى ...
نبحث عن المرعى العشيب ... ومن شعيب الى شعيب .. مانستقر ..
عنواننا كل الديار .. تجوالنا ليل ونهار ..
نعيش عيشة هادئة ... وهذي حياة البادية ..
سنة الربيع .. سنة الدهر .. ورغم الفقر ...
نخاف من قولة افاا .....ونتعب على قولة نعم ...
ونعيش عالين الهمم ... من فضل ربي مانخون .. نرعى الذمم ..
نركض ونتعب مانمل .. ماحنا مثالك لاشغل .. ولا عمل ...
ماغير بس اكل ونوووم .... ومن الشحم ضاقت عباتك والهدوم ..
ياأسمن أنواع الحريم .... ياعايشه على الرجيم ...
ياآنسه .. ياعانسه ... ياضايعه ومستانسه ....
ياتارسه وجهك صبغ ياماليه عينك شدو ...

حنا البدو ..
ياللي تقولين بدوي ... أنا بدوي ولي الفخر ... إني بدوي ...
ماأخون ماأبوق الخوي ... يبدأ نهاري بالصلاة .. وأصارع أمواج الحياة ..
ماضاقت الدنيا أبد .... ولاني من أصحاب الحسد ..
أرفع يديني لسمااء ... وأطلب من الله وأستخير ..
ماأقول يمكن ربماا ... ولا يصير وما يصير ..
محافظ على الخمس الفروض .... واضح ولا أحب الغموض ..
ولا أتلون وألتوي..لأني بدوي..متمسك بأصالتي ... ولا أغير لهجتي ..
أنا بدوي في فزعتي .. وفي قومتي .. وبقعدتي .. وفي مشيتي .. وبجلستي .. وفي كلمتي .. وبنخوتي .. حتى عقالي .. ولبستي ..
ولو قلت عني فوضوي .. ماضرني .. بالحيل يابنت بدوي ..
ويسرني .. أعرف من أنتي ومن انا ... ويكفينا نعرف بعضنا ..
أنتي مثل عمر الزهور ... ومالك عمر ومالك سنين ..
شهرين ويجيك الجفاف وتذبلين ..
وتصبح ألوانك باهته .. وأنا جذوري ثابته ..
ماخذ من الصحراء الهدوء ..

وأن كان هذا يسعدك ... حطي عل راسك يدك ...
هالمرة لا قلتي بدو ..!!
ياتارسه وجهك صبغ .... ياماليه عينك شدو



طبعا لا حد يجلس يقول غبار وما غبار

اللي يقول كذاك ابغاه يرقعه زكام مال برد مع الغبار


.