عرض المشاركة وحيدة
  #36  
قديم 12/11/2006, 11:13 AM
زهور الوادي زهور الوادي غير متواجد حالياً
عضو نشيط
 
تاريخ الانضمام: 14/04/2006
المشاركات: 262
يا اخوان ويا اخوات

ليش كل هذه الفوضة والزعل

ترى في كثير من الحريم العمانيات والبنات العمانيات

يشتغلون بالمدارس ينظفون والخ

ويشتغلون في الحضانات نفس الشيء،، ينظفون العيال واليخمون الحضانة

ويشتغلون في قلهات بتنظيف المباني والبيوت الكبيرة

يعني جت على تنظيف البيت،،؛؛،،

طيب مو شرط انها توافق تشتغل في بيت فيه الكثير من الشباب

ممكن تشتغل في بيت فيه ربة بيت مثلا كبيرة بالسن او مريضة شوية ما تقدر على امور البيت بروحها

تكون احسن من الاجنبية اللي امهاتنا ما يعرفون لغتهم ويتعاملون معهم بالاشارات؛؛،،؛؛

وما في داعي من ربات البيوت انهم يصرخون ويزفون بنات الناس سواء كانوا عمانيات او اجنبيات

بالاخير هذا ظلم،، ودعوة المظلوم مستجابة

يا ناس عقلوا شوي وارتقوا،،؛؛،،

واذا حد قالي،، ترضين امك او خالتك او اختك تشتغل في بيت الناس خدامة

بقول وبرد عليهم: او شيء الحمدلله حالتنا ميسرة

وثانيا: شو الافضل انها تدوام في مدرسة او في شركة تنظفها ولا في بيت ناس محترمين

وما حد جابرنا ان نروح ونشتغل عند ناس ما يحترمون انفسهم وبالتالي ما يحترمونا

واكيد نشوف وضع البيت مثلا اذا فيه حرمة عطوز او مريضة وتبي حد يساعدها في شغل البيت

ويتعانوا مع بعض في امور البيت

واساسا اغلبية الناس رافضين لانهم يعاملون العاملات عندهم بقسوة
وراميين كل شغل البيت عليهم واكيد ما يتصورون ان العمانيات في مكانهم

يرحم أيااااااااام زمااااااااااان

الوحدة تكسب لقمة عيشها

إما تطبخ باقل ودنجو وتبيع

او تخيط لها كم ثوب او تعمل كوراشيه وتبيع

او تنظف وتكنس وتطبخ في بيوت الناس لحد الظهر وتاخذ قسمتها ترجع لبيتها

ويربون عيالهم احسن تربية ورافعين راسهم بين خلق الله

مو مثل اللي الله يستر عليهم

يعني اللحين لو اقترحنا،، ايش رايكم ان الاسر القفير تبعث وحدة ولا واحد من عيالها عشان يشاركون في برنامج فيه غناء وطرب الاغلبية بشوف انه شيء عادي.. ..

يالله بحسن الخاتمة