عرض المشاركة وحيدة
  #11  
قديم 02/07/2005, 01:20 AM
جرح المغيب جرح المغيب غير متواجد حالياً
عضو متميز جداً
 
تاريخ الانضمام: 10/05/2003
المشاركات: 4,278





لأن قــلــب شــاعــرنــا يــحــيــا دومــا الــحــب نــجــد أن كـــلّ نــصــوصــه قــلبا طــيــب .. فــهــو يــعــيــش الــحــب .. يــتــنــفــس الــحــب .. يــعــشــق الــحــب ..!!
شــاعــرنــا ذهـــب (فـــي يــوم الـــعــيــد) لــحــبيــبــتـــه الــجمـيــلة (ريــمــه) ..يــحــمــل عــتــابــه فـــي قــلبــه ..تــمــنــى فــقــط أن يــقــل لــهــا (مــا دريــتـــي يــا جــحــوده) ..لــكــن قــلبــه المــتــنــفــس عــشـــقــا لم يــســتطــع أن يــنــعــتهــا بالجحـــوده ..!! فــبــقــى صـــامــتــا وتــرك الــحــديــث (حـــكـــاوي عـــيـــون) .. بــادرتـــه الــجــمــيــلة (يــا نــاســي) مــاذا تــحــمــل لــي فــي صــبيــحــة هــذا الــعــيــد ..؟؟!!..فــرد (هـــديــه لــعــيــونـــك الــغــاليــة ) .. أتــدريــن مــا هــي (يــا مــلاك الــطــهــر) .. هـــديــتـــي لك (دنــيــاي) .. تــعــجــبــت الــحـبيــبــة ..ســائــهــا جــوابــه .. رحــلت عــنــه ممــتــعــضــة مــن اســتــخــفــافــه بــهــا .. فــراح الــعاشــق يــتمتـــم (ونــشــرتــي شـــراعــك الأســـود) ..انــتــظرهــا بــعــد ذلك طــويــلا وكــان دائــمــا يـــردد (أداري دمــعـــتــي بــعــيــنــي.. ويــفــضــحــنــي نــبــض قــلبــي) .. قــاســى الــشــاعــر الــكــثــيــرفــي غــيــابــها وظـــن أنهــا (أمـــل مــاله وجـــود) .. لــتعــود إليــه مــن بــعــد فــراق أيــام ..مــرت عــليــه كــ ( ســبــعٍ عــجــاف) ..!!
رأهــا .. طــار فــرحــا .. إنــهــال عــليــهــا عــتابــا وأســئلــة (اهــون) تــركــتنــي وحــدي .. اعـانــي واكــابــد عــذاب البيــن ..فــقــط تــســائــلت (فــي غــيــابــك) (لــيــه اشـــوف الــحــب فــي وجــهــك وبس؟؟) ..فــقــالت مــا الذي أعــادك ..أهــو الشــوق .. فــرد ( وش لــون مــ اشــتاق عــيــنــك) .. صــدقــيــنــي عــدت (لأن الــدنــيــا مــا تـــســوى) فــي بــعــدك..!!
شــاعـــر الــحــب تــغــنــى بــحــروفــه ذات وجــع لــصـاحـبــه الــفــقــيد (ســعــيــد) .. بــثــه حــزنــه وألــمـه فــي بــعــاده..!!
شــاعـــر الــحــب .. هــو نــاقــدنــا الأســتاذ (عــيــون الــذيـــب) / راشـــد الــمــقــبــالــي..!!





"حكاوي عيووووووون"



ليش دايم قبل أشوفك أجمع أكوام الكلام ؟
..........................ولحظة اللقيا بعينك تختفي عني الجمل ؟

لا تلوميني لو اسكت .. شايف بعينك سلام
..........................بنزل بعينك رحالي ياللي لشواقي محل

سامحي عيني تراها.. في هواها ما تلام
.........................تعرفي أرجي وصالك وانتي لجراحي أمل

طول عمري كنت أحلم في هواك مستهام
..........................صعب اصدق حلم عمري فالنهاية امتثل

يخضر غصوني وجودك..شوفة عيونك رهام
......................كل شي (ن) في وجودك من وجودك أكتمل

بصبح بشوفك أناني .. ما بســــولف أو أنام
........................نامي أنتي وآنا بجمع من عيونك ما حصل

تصبح النومة جريمة .. وغفلتي عنك حرام
.....................ترى حلم (ن) مثل حلمي يا وجودي مو سهل

بس يبقى لي تساؤل .. حارم عيوني المنام
.......................انتي ما تعطي أجابة .. وبصراحة ماله حل
ليش دايم قبل أشوفك ..اجمع أكوام الكلام ؟
.....................ولحظة اللقيا بعينك .. تختفي عني الجمـــــل؟؟




"فـــــي يــــوم الـــعـــيــد.."




في زمان الصغر والله كان عيدي شكل ثاني
...................ما احاتي هم قلبي ولا احاتي شوف عينك

شوف هذا الوقــت قاسي في جلابيبك رماني
...................صرت احسب يا حبيبي شوفة الحنا بيدينك

لا ذهب هالعيد فرحي و لا اهازيج الاغاني
.........................كل هذا ما يساوي طله العيد بجبينك

آه يا ذا الـوقت قاسي صار شوفك مالاماني
....................بعد ما كانت يميني دوم تغفى في يمينك

ضمني بالشوف يكفي وخلني بعدك اعاني
..............في رجاك الوقت يحلى وقلبي العاشق رهينك

بنتظر شوفك كفايه.. شوفـة عيونك اماني
.............كل اهلي و كل ناسـي يختفوا لـو شفـت زينك

عيدك مبارك حبيبي وخذ هدية من حناني
....................انا ما اقول ياقلب الا يا عسى ربك يعينك





"هـــــديــــــه لـــعـــيـونــــك الــغــاليـــة..."




اريد اسهر مع عيونك ولو انك بعـــيد الشوف
.......................واريد القى صدى صوتك بنص الليل يهديني


واريد اتخيلك انك..تصافـــــــحني نظر وكفوف
......................يذوب الكف في كفك و تبحـــر عينك بعيني


واريد الوهم يلبسني واجيك بخاطري ملهوف
....................و ارمي ثقــل ايامي على صدرك و تشفيني


واقول ابيات من شعري ولو بعض الوقت بيطوف
.....................واذا ضاع الوقت فدوة .. ترى روياك تكفيني


واخر سهرتي بطلب من عيونك طلب معروف
........................انا ارجوك يا عمري حنان القلب اهديني


بقضّي العمر يا غالي بحبك ارتجي مشغوف
........................ترى الايام ما تقدر عن المحبوب تثنيني


واذا بحبي غزاك الشك تصبّر يالغضي ونشوف
................واذا تبغى بقايا العمر ..حبيبي قول من عيني


حبيبي الاول.. الاخر..ترى الدنيا وهم ويطوف
.....................ولا يبقى سوى ودي وبقايا الحب بيديني


حبيبي من كثر حبك..لغيرك لا سمع..لاشوف
..................وحتى الشين من حبك اشوفه بالوهم زيني


ترى كل الوهم انته.. وانته الصادق الموصوف
.....................وكل امر(ن) لصوبك صار تراه اليوم يعنيني


ترحم يابعد عمري تراني عاشق(ن) ملقوف
......................انا فبعدك شهيد الحب ولما ترد تحييني


و لو كان الامـر بيدي حملتلكم ودادي رفوف
..................وحتى لو قسى وقتي ولا في يوم يعطيني


بشيل الود يا غالي و لـو انته بعيد الشوف
...................ترى بعض الصور تبقى ولا تفارق ابد عيني





" يـــــانــــاســــي..."




الوفي في حبنا وانته الغـــــــــدر لاهاك
......................قلبي تعب يا صاحبي يكتم غضب واسرار


خلني اموت من العطش مادام عرقي ماك
......................خلني اخلّي فالعقل قطع الــــوصل تذكار


كنت الغلا في دنيتي مدري وش اللي جاك؟
.....................والظاهر انتي بنتهي وبقضي العمر محتار


اذكـــــــــر فمره قلتلي ان الهــــــوى بكاك
....................كيف انتهيت بدنيتك؟ قلي وش اللي صار


ياناسي (ن) دنيا الوله قادر فيوم انساك
...................وانسى بأني بدنيتك كنت الغلا والجــــــــار





"دنـــيــــاي.."



دنياي صحرا ما لها حد ونهاية

.................................كل شي فيها يـ عمري معتدل

كنتي فيها غاية النفس ومناية

.............................وكنت احبك صدق ماني مفتعل

كنت اشوف بخلقتك مليون آيه

...........................وكل ما حــــــــاولت ابرد اشتعل

كنتي نجمه في دروبي للهدايه

..........................وكنتي عندي كل شي (ن) معتدل

لين صرتي كل ونه في اسايه

.......................وصرت اسكن في عذابك وارتحل

ليش خنتي بعد كل هذا هوايه؟

.......................ليش بعتي من فــــــواده لك محل؟

اعترف لك انقطع منك رجايه

.....................وانقطع حــــــــــبل الموده والامل

لا تهمك عبرتي ودمعة بكايا

....................ما بكــــــــــون بدنيتك قاطع سبل




"ليش اشوف الحب في وجـــــــهك وبس ؟"




ليش اشوف الحب في وجـــــــهك وبس ؟
......................وليش اشوف الكون من عقبك دمار ؟


وليش ارسي في بحر ذكرى من امس ؟
.....................و انا عندي للــــــــهوى ألــف اختيار؟


صدقيني .. مبتلي مـــــــــــنك بمس
...................... في دروب البــــعد ما عندي قرار


من رحلتي الكون عني معــتفس
...................... صرت ابحث وسط ليلي عن نهار


حتى قلبي صار صخر وما يحس
..................... وما خفق بعدك لحـد غيرك وجار


آه .. يا حـظ الندامة والـنحس
................... ما بغيت تزين لين الحــــب طار ؟


يا حياتي لي رسالة من همس
..................توصلك.. تعداك.. ما عندي خيار


لك عيوني من حياتي وزالنفس
................. و بعتزل هالحب والله المستجار








"ما دريتي يا جحودة..؟؟"




ما دريتي يا جحودة ان من قلبي انتهيتي ؟
......................واني العن يوم اني كنت بالصدفة عرفتك


جرحك الدامي بعيني !!ياجحودة ما قريتي ؟
...................كنت جاهل بالوصايا ..وياحسافه كم جهلتك


للاسف خانك ضميرك! وعن هوايا اعتميتي
...................ويمكن الزلات مني....لني فعلا ما فهمتك


انتي ما تسوي دموعي !واعترفلك ما سبـيتي
..................كل شي (ن) ظل ثابت ..ما تغير من تركتك


انا اقوى مالخيانة ...وبالوفا مبناي بيتي
................انا سيلي يعم صحرا .. مالي حاجه في شربتك


اقبلي اخر هديه .. ياللي بالفرقا سعيتي
................في دروبك ألف غادر .. واحفظي باقي سمعتك



لو دريتي يا جحوده..ولو عملتي ما دريتي!!
......................ببقى ألعن يوم اني كنت بالصدفه عرفتك





"ريـــمـــه"




ريمة ...
وعين (ن) فالحلا تشبه ..
غيوم (ن) تسكب الديمة ...

احبك ...
واصدق بوعدي...
لا قبلي ولا بعدي..
وتراني شاري بودي..
عيونك ...
وارفع القيمه ..


يـ "ريمه"...
اخذت الدنيا حلاها من بعض زينك..
ولو وصلوا وسألوني...
وقالوا لي تخيَر شي ..
بقول النظرة من عينك...

ولابهتم ..
ولا بغـتم ...
ولا بجمع ولا بقسم..
لانك تسوي العالم ...
ولاتك تسوي العالم...
بعيشك عاشق (ن) حالم..

واذا وقتي بغى يغدر...
وقال : انسى الهوى واهجر..
بصيح الغوث والشيمه ..
تراني فالهوى ذايب...
وعاشق مالبشر "ريمه"..
يــ " ريمه"




"وش لــون مـ شــتــاق عـيـنـك ؟؟"




ساألتني في زعل منت مشتاق؟؟؟
.......................جاوبتها وش لون مـ شتاق عينك ؟؟


كل الدموع احبستها وسط لحداق
.......................وتصيح طول الليل يا صــــبر وينك


والجفن يشكي الغمض يازين ماذاق
......................مـ يرد غمضه غير مسحة يمينك


أدري الزمن غدّار.. للشوق سّراق
.....................لكن بنــــــار الحب .. يغلب حنينك


انتي هواك(ي) غير.محروس بـ "شواق"
..........................لو تبتعد لعيون ما غاب زينك


الشوق يا عمري سرى الليل سبّاق
........................قصــــــده يرد الود بيني وبينك


لا تسأليني كيف يـ فلان مشتاق ؟؟
.....................بس اسألي الخفاق.. وترد عينك




"أداري حبي بعيني ..ويفضحني نبض قلبي"




أداري حبي بعيني ..ويفضحني نبض قلبي
........................................... يحاول يصرخ بحبك..يخاف بليس واتباعه


يماريني على حبك .. يقول انك ورد دربي
..........................................وانا ادري بكل هذا. .ولكــــــن ألوي ذراعه


أزيده شوق مع شوقه..أقول انك كبر ذنبي
...................................واقول اني نسيت الحب .. وانا مـ قدر هجر ساعه


ولما تزيد دقاته .. واخاف يموت من حبي
...............................عطيته كلمة (ن) ينشر .. عطـــــرها باقي شراعه


ويبحر بي فدنيا الحب..وموج الشوق يلعبّي
..............................وانا كل لحظه أتساءل .. يقـــــــــــلبي وين مرتاعه ؟؟


ترى حبه كسر صبري .. وانته بس داربّي
.................................انا دايم فحبه دوم .. وهبت السمــــــــع والطاعه


يقلبي ارحم بحالي..وعدي الوقت واعبربي
..................................ولما نوصل لعينه .. أمانه خلنا رباعــــــــــــــــه


أنا مـ قدر على عيونه.. ولمس يديه في قربي
..................................تراني توه من غيرك...فدرب الشــوق وشعاعه


حبيبي هذا هُو حبي .. وقلب الشوق هُو قلبي
.................................يحاول يصرخ بحبك ... يخاف بليس واتـــــباعه




"يـــــا مـــلاك الــطــهــــر .."





عيد الناس أقبل .. جيت أهني يا ملاك
..................................جيت أبارك لك وأدري .. ماشي في قولي يديد


تدري كل لحظه تعدّي .. تنقضي وآنا معاك
...............................تحـــــــ� �ــــمل ورود المحبه .. وتعتبر أوقات عيد


شايل بأيدي هديه .. عطر ماخذ من شذاك
.............................. وكرت كاتب فيه جمله .. " حبك بقلبي يزيد "

أنا عارف ان عطري .. ما يمثل مستواك
............................بس مرسول بفوادي .. وانتي في وسطه أكيد


وابغى من عند هديه .. ماأباها من سواك
..........................نظره من عينك تكفـّي .. وابقى لعــيونك شهيد


يا ملاك الطهر انتي .. جيت بارك ياملاك
........................يا عسى وقتك سعاده .. و يا عسى عيدك سعيد





"فـــي غـــيــابـــك.."





في غيابك يا غلاهم كل شي يصبح غريب
...........................حتى وجهي ما اعرفه للأسف يفقد سناه

كلهم عينك حياتي .. من بعيد ومن قريب
.........................كل أسم (ن) مثل اسمك يبعث بقلبي حياه

صرت امشي بنور وجهك ماأحاتنّي أغيب
........................من مشى في وسط دربك يحلف انه ما مشاه

انتي جنه وسط جنه كلها زهر(ن) وطيب
.......................من قطف من ورد قلبك .. صار مجنون بشذاه

بس في مدخل جنانك..وردتين بعين ذيب
......................ما وصل غيره لدربك ..وعطرك السحري جناه

لا تلومينه بغيابك ..لو لسانه ما يجيب
........................ لو تصيري له قصيده .. ما تبارحـــــها شفاه

من تربى وسط جنه ..كيف يرضى باللهيب ؟
......................ما دريتي مالـــــــــــــــبدايه .. انك انتي منتهاه؟

ما دريتنّي بغيابك كــــل شي يصبح غريب ؟
......................وكل اسم (ن) مثل أسمك يبعث بقلبي حياه ؟؟





"أمـــل مــالــه وجـــود"




لا تدوّر عن أمــــــــــــل ماله وجود
.................................ولا تتعب نفس قاست من عناها


ما أريد أيامنا الحــــــــــــــلوة تعود
.................................ولا أريد الحب يمطر من سماها


كيف بوثق ف لهوى بواحد جحود؟
..............................ما عرف معنى المحبة واحتساها


كل شي (ن) يا محـــبي له حدود
............................. الزم حــدودك وردّ العين مــاها


لا تصيح اليوم جددلي العهود
...........................ترفض عهودي تصادق من رماها


لو طلاقك بالثلاث وبالشهود
.........................هذا شعري واشهدوا يا من قراها


لاتعود ولاتعود ولاتعـود
........................ ولا تتعب نفس قاست من عـــناها



يـ "سعيد"





يـ "سعيد"
مريت قبرك بأول العيد ...
وباركتلك .. لو كنت ميّت ..
وكنت عن عيني بعيد ....


يـ "سعيد" ...
عندي رساله ...
من قلب تاه بموتتك ...
من عين تذرف دمعها ...
من أذن عافت سمعها ...
من ناس كانت في يدك...
تربط وتنهي جمعها .....

يـ "سعيد" ..........
عندي رساله ....
من صدر حن لضمتك ....
من أهل ترجي جيّـتك ....
ذرفوا دمع في عيدهم .....
لما تعاظم همّهم .....
ومن ربع أنهوا فرحهم ....
لمّا تلاشت ضحكتك ....


يـ "سعيد "....
هذا مضمون الرساله...
بختصره بجملتين ....
انته الغلا في قلبهم ....
وما تنتهي بمر السنين ...

يــ"سعيد " ....



"اهـــون.."




يـ " نوري " كل هالدنيا رمتني لا تخليني
...............................انا دوّرت فالدنيا ومثلك في البشر نادر


فدتك الروح والدنيا ونقايا الحب وسنيني
.............................فديتك... لا تخليني اذا عندي معك خاطر


انا بعدك ولا اسوى ولا تسوى عناويني
..........................بعيش اليوم في حسرة ولا برسم على باكر


امانه بس قولي لي..تحبيني؟ تكرهيني؟
..........................انتي لو تركتيني على ذنبي تـــــرى كافر


اهون ابقى على عوقي وانتي اللي تداويني؟
........................اهون ابقى على دربك بلا قدرة وانا صابر؟


اكيد الحب يشفعلي و لا يـخليك تنسيني
........................و نتبادل مثل أول هـــــــــدايا حبنا العاطر


يـ "نوري" كل هالدنيا رمتني لا تخليني
.......................انا دوّرت فالدنيا ومثلك فالبشـــــر نادر




"مــــرت مـــزونـــك ع قــلــبـي مـــن بـــعـــد ســـبــع عــجـــاف.."




شفتي هذي المزن لمّا .. تحيي بماها القفار ؟؟
................................شفتي فرحة هالخلايق بالمطر بعد الجفاف ؟


مرت مزونك عقلبي .. لين كل الحب ثـــار
............................ورتويت بحب صافي من بعد سبع (ن) عجاف


لو هِيْ قصّة حب يمكن .. كان حبوني كثار
............................بس أنتي غير عنهم .. فيك مليوووون اختلاف


لو أحط يمناي بيدك .. تعتب يديني اليسار
...........................ولو أضمّك في عيوني .. يعتري قلبي ارتجـــاف


حتى نا من زود حبك صرت من نفسي أغار
..........................عفت كل الخلق دونك .. الا شوفك مـــــــــا أعاف


يمكن مزونك تعدّي .. وينتهي حلم الصغار
........................بس ببـــــــــــقى أحتريها .. وانتـــــــــظر برد النفاف


بنتظر يمكن تجيني .. حلــــم ليله أو نهار
......................بنتظر مزنك حياتي .. لو بعد سبع (ن) عجــــــــــــاف





"لأن الــــدنــيــا مــا تـــســـوى.."




لأن الدنيا ماتسوى ..
بغيتك بس في حاجة ..
اريدك تعرفي انك ..
منات القلب وسراجه ..
وعلى بعدك ولا أقوى ..
لان الدنيا ماتسوى ..
وحبك حييييييل أحتاجه ..

تعالي نحلم بلحظه ..
نقول أشعار ..
نعيش أحرار ..
نلاقي كذبة العذال ..
نمررها بدون قتال ..
نغمض عيننا ونحلم ..
ونتناسى البشر والهم ..
ولا نفكر أبد في شي ..
نخلي كل شي يموت ..
اقول أهوك ...
تقولي أهواك..
يسود بعد هذا سكوت ..
وحبنا بس يبقى حي ..
ولا نحتاج للسلوى ..
لأن الدنيا ماتسوى ..


منات النفس ..
يحلم اليوم...
بكره وأمس ..
ترى كل العشق يكبر ..
بوسط الهمس ..
وانا بهمس لجل عينك..
غناوي ليل ...
أقول بأول أبياتي..
" أحبك حيل"
" أحبك حيييل"
يقولوا ان العشق بلوى ..
ونا قول العشق جنّه ..
بس نذوب في فنّه ..
تعرفي ليش ما بلوى ؟؟ ..
لأن الدنيا ما تسوى ..
وراسك مووول ما تسوى ..




"ونــشــرتـــي شـــراعــك الأســـود.."




ونشرتي شراعك الأسود على الفرقا وقلتي روح
......................................وشديتي الرحل لبعيد وقصدك تذبحي صدري


أنا لو قلت لك صابر ..تراني فلألم مطـــــــروح
......................................وش اللي يصير من بعدك؟ أرددها ونا أدري


أمر الدرب لي كانت تلاقينا شقــــــــايق روح
....................................أغض الطــرف واتناسى ونا منســـيت يا بدري


هناك يمر كل ليلة شعور العـــــاشق المذبوح
...................................... ونار الشــــــوق موقوده ولا يبرد ابد جمري


وعيد الشرح يا قلبي ولـــو أن الأمر مشــروح
....................................قدر فالحب نتفرق وهـــــــــــذا بس هوْ عذري


ألا يا قلب هوّنها ولا تزوّد عـــــــــليك جــــروح
....................................أمانة خف ضرباتك ..وخــــلني اهتني بعمري


حياتي.. روحي مسموحة مثل مانا بعد مسموح
....................................وذكرانا فقط بتكون .. بقايا عطرك وعطري