عرض المشاركة وحيدة
  #1  
قديم 31/07/2006, 02:10 PM
REST 'N' PEACE REST 'N' PEACE غير متواجد حالياً
عضو نشيط
 
تاريخ الانضمام: 27/05/2006
المشاركات: 184
سائق التنكر...عزرائيل الشوارع



سياسة التعمين من السياسات الناجحة "القليلة" التي اتبعتها الحكومة للحد من البطالة "أوين" و بصراحة من يوم ما مسكوا العمانيين هذي التناكر والواحد حاط يده على قلبه من الخوف,ما تكون ماشي في الشارع وفي أمان الله الا وتشوف ذاك التنكر لازق بسيارتك من الخلف , الا تقوم عن طريقه واذا تأخرت عليه ما تشوفه الا يتجاوزك ويدخل قدامك بطريقه بطولية وطبعا ما ينسى يعطيك شوية ماي على الجامة كعربون محبة, ونسى أو تناسى هذا الأهبل ان هذا تنكر مش مثل الصالون يحتاج الى تروي وتركيز في السياقة , و شوف داخل الأسواق و في وسط الزحمة تشوف التنكر يزاحمك حتى في المواقف ويسرع بشكل جنوني في الحلل والمناطق السكنية, احنا عندنا في السيب بالذات شوية أطفال يسوقون هذي التناكر بلا مسؤولية ولا حذر ولا تركيز , والغريبة انهم يتسابقون في الشوارع وما ماعطين أرواح الناس أي أهمية , وفي الفترة الأخيرة سواقين التناكر بدون لياسن"رخص قيادة" , على أي أساس يسوقون هالمدرعات ويعرضون حياة الناس للخطر, يا ما ناس تعرضت لحوادث خطيرة أو مميتة أوفقدان احدى أعضائها أو باصابة تجلسه على كرسي متحرك باقي عمره.
و هذي الأيام بدأوا يختارون أسماء للتناكر مثل "الوحش , رحال , مخاوي الليل..." , وأنا أقترح أسماء أفضل مثل " الأهبل , مخاوي القبر , الأثول ..." .
و للأسف بدأت هذي المشكلة تنتشر في المناطق بشكل خطير, وألحين بدأوا أصحاب الباصات والشاحنات الخفيفة والثقيلة يزيدون من الطين بلة فصاروا يشاركون سواقين التناكر بهذي المهزلة.
والغريبة ان الشرطة تتساهل في التعامل مع هذي الأشكال .
أنا اقترح مضاعفة المخالفات والعقوبات على هذي الأشكال المستهترة مثل سحب الرخصة لشهور أو الحبس لفترة مؤقتة واذا تكررت يرموه في السجن.
وأقترح انتشار الدوريات بشكل مكثف في المناطق السكنية والتفتيش المفاجئ على رخصهم.

اللهم احفظنا في حلنا وترحالنا...