عرض المشاركة وحيدة
  #37  
قديم 10/10/2005, 04:18 PM
اللورد اللورد غير متواجد حالياً
عضو نشيط
 
تاريخ الانضمام: 25/06/2000
الإقامة: reuinion
المشاركات: 815
اقتباس:
أرسل أصلا بواسطة ابوعمرالكويتي
مبارك عليكم الشهر جميعا .

في يوم الخميس صباحا وبالتحديد في تمام التاسعة

عبرت الحدود الكويتية السعودية وبالتحديد للوصل الى المنطقة الشرقية في السعودية
لزيارة بعض المعارف والاصدقاء ومنها اجلب التمر والبرحي والرطب الطيب لاهلي في الكويت
زيارة سريعه تستغرق مني يوم او اقل ....وصلت الى المنطقة الشرقية في تمام الساعه 12 ظهرا
فاتصلت باحد المعارف هناك استقبالني خارج مدينة الدمام جزاه الله خير فرحب بي وجلست معه في منزله الى واخذت قيلوله بسيطة وبعد صلاة العصر قلت له اتصل بالربع خلهم يجمعون ودي اشوفهم لان لا تقولي اقعد بالشرقية اكثر لان عندي ارتباطات كثيرة في الكويت بالفعل عملي فطور جزاه الله خير وجمع فيه الاصدقاء ومنهم من كانوا اصدقاء دراسة كانوا يدرسون معنا في الكويت ومنهم من تعرفت عليه من خلال زياراتي للمملكة او من خلال زيارته الكثيرة هنا للكويت ...وبعد الصلاة المغرب اخذنا تبقق عيونا على طاش ماطاش ومن ماحسن الصدف ان تكون الحلقة عن الغزو العراقي لدولة الكويت ...فيها من الواقع الكثير وفيها من الكوميديا المعتاده من النجمين الكبيرين القصيبي والسدحان ..وبعد المسلسل ذهبنا الى مسجد لا اذكر اسمه بالتحديد لكن يوجد في الدمام حي الشاطئ وتصورا يا جماعة من الامام (( هو القارئ الشيخ سعد الغامدي )) ذو الصوت الرائع ...فصليت التروايح وبعد الترويح زت احد الشيوخ بالشرقية وهو راقد في المستشفى مريض منذ اكثر من سبع او ثمان شهور ....المهم ...

دار هذا الحوار بيني وبين احد الاصدقاء وبصراحه لا اعرف كيف ارد لان اجهل الموضوع ولكني والله ان كنت اعرف تكلمت ..

انا: ها يا ابو ريناد يقول توك يايي من الامارات وشخبار المساهمة في دانة الغاز ؟

الصديق : الحمد ساهمت وساهم من معي

انا : وانتم ما تستحون على ويهكم نامين بالشوارع ....ههههههههههه

الصديق : انتم يالكويتين حاطين دوبكم دوبنا ما نروح مكان الا لاحقينا

( اهني الشباب والجلسة بدات تحل لان الكلام عن الكويت والسعودية ما يخلص وخاصة المشحنات بين الشعبين خاصة انها مشحنات دعابية لا اكثر ولا اقل والكل يعرف وقت الشد ويش يسون هالكويتي او السعودي لان الكل مكمل بعضه )

انا : احنا على الاقل محترمين وحاضرين ما ننام بالحدايق عند بوابات البنوك هههههههههه

الصديق : اتصدق بالله ما شفت منكم مساعده ابد ...الكويتي قلبه على الكويتي بس والباقي يطس

انا : اي هذا احنا الكويتين كيفنا قلوبنا على بعض الكويتي يساعد الكويتي والا انتم من يساعدكم يا مال الوجع طاقينا ثلاث صفر توبنا نساعدكم ....

الصديق : ههههههههه طالعه من قلب الثالثة صفر ولا انتم بالامارات ما عندكم الا سالفة الثلاثة اي زين نسوي فيكم يامال الوجع يوجع قلبك بله ...

انا : انت يا الاهبل تبي تربح بنومة الحدايق ما تستحي ..والا الكورة نعرف ناخذ حقنا والا انتم حاضرين بالثمانية والفضايح .

الصديق : اي الثمانية بس تاهلنا كاس العالم ما نقعد نقول تاهلنا من 82 هههههههههههه

انا :اي كفو افضحوا انفسكم جدام العالم في النهائيات ...والا احنا فاضناكم في الخليج خلينا حارسكم يشوت العارضة يخرب بيت سيقانه اول مرة اشوف حارس مرمي يشوت العارضة بريلة ...

الصديق : كاس الخليج عطيناه لقطر هدية عشان لا يزعلون اكثر علينا ههههههههههه

انا : ياعمري على الهدية ...والله لو عمان مقابلكم جان طلعكم بالعشرة وفوق ...نعبوا داركم الكويت في اسوء حالتها وتفوز عليكم اشلون لو لعبين مع عمان يخلونكم شوارع ههههههههههه

الصديق : يا اخي اسكت بس ...ما تقول غير العماني ...يا اخي هذول اذبحونا بالامارات اذونا ...

انا: هي انت انا اتكلم عن كاس الخليج اللى طافت ...شكو العمانين بالامارات ...؟!!

الصديق : تقول نمل يالله الكافي وين اروح بالامارات القي عماني ...

انا : يا الغبي انا عشت بعمان فترة واللى اعرفه ان اغلب الاماراتين اصولهم من عمان ومو غريبة لما يكون في عماني في الامارات ...مثلك انت يوم ترز ويهك بالكويت ...

الصديق : من عمرنا واحنا معاهم في ازمات ...

( هنا توقفت عن الحديث وقلت بهلجة استغراب ودهشة )

انا : تقصد بمنو انتم معاهم في ازمات ...افراد او حكومات ...؟

الصديق : لا مو انا السعودية على طول فس ازمة في عمان من ايام الثلاثينات ولا بعد اكثر من ايام العشرينات من القرن الماضي

انا : بل بل وين وديتنا يا معود اللى اعرفه في ازمة البريمي وانحلت وتم الترسيم الحدود بعد شتبون انتم دولة اشكبرها شنو تبون بعد العراق وايران ....

الصديق : لا شنو البريمي اكثر من البريمي حدود واقتصاد وتجارة وحتى ازمة بحر بينا وبينهم ...

انا : ازمة بحر هههههههه اول مرة اسمع ان في ازمة بحر ...

الصديق : اقصد انهم مسطيرين على البحر هرمز ما تعرفه ؟

انا : يالغبي هرمز ممر دولي وشكو عمان ...

الصديق : هم يسطرون عليه ويضغطون على السعودية عليه ...

انا : انت صج غبي سعودي ما الومك هههههههههه الحين ايران مو تطل على هرمز وليش عمان بالذات
وجه كلامك لايران مو لعمان الخليجي ....

الصديق : المهم بينا وبينهم ازمات من عهد الملك عبدالعزيز والملك فيصل وخالد وحتى الملك فهد الله يرحهم كلهم ....

انا : الله واكبر الحين بينكم وبين عمان ازمات وانا اخر من يعلم ...شسالفة يبا ...لا يكون جم عماني ازعجوك في الامارات رحت تنشر هالكلام الخطير ...اصحى يا اخوي اصحى ...الحجي هالايام بلاااش

الصديق : يا اخوي صج كويتي انت حاط دوبي ودبوك شنو يقربولك العمانين ...ما ادري ليش ما تبي تصدق ان بينا وبينهم ازمات مو ازمة انزين ....

انا : لا اشفيك انت ...انا عشت بالسلطنة سنة وثمان شهور حبيبي وما سمعت الكلام ابدن ولا حتي عماني واحد قالي عن ان في ازمات بينكم وبينهم فلا تقعد تطلع حجي ماله داعي ..

الصديق : والله كيفك تبي تصدق صدق ما تبي تصدق كيفك ...؟

انا : لا ابصدق ههههههههههه ما ادام انا بالسعودية بصدق لي رجعت الكويت ما راح اصدق


وبعد هالجلسة المشحونه ...ما يصدقون اكويتي موجود الا يطحون فيه هالسعوده خخخخخ
وهم احنا جذي بس يزرونا نطيح فيهم طيحه ....ههههههه

على راسي والله كويتي وسعودي وعماني وخليجي وعربي وكل مسلم طبعا ...

والان حديثي معكم ايها الاخوة هل بالفعل هناك ازمات بين السلطنة والسعودية ...؟

الاخ الصديق السعودي قال ليست ازمة بل ازمات ...هل هذا الكلام صحيح ؟

هل بفعل السعوديه لها يد في احداث التمرد في ظفار ؟

هل بالفعل السلطنة ضيقة على السعودية من خلال مضيق هرمز ؟
أهلا ومرحبا بك أخي الكريم
هل يرضيك أن تفتح بابا مثل هذا ونحن في شهر الخير والرحمة شهر رمضان الذي أنزل فيه القرآن .
ألا تتفق معي أنك تجاهلت أو تتجاهل كيف تحدث الفتن ؟
والفتنة أشد من القتل , كما جاء في القرآن .
أعتب عليك قولك ((انا : لا اشفيك انت ...انا عشت بالسلطنة سنة وثمان شهور حبيبي وما سمعت الكلام ابدن ولا حتي عماني واحد قالي عن ان في ازمات بينكم وبينهم فلا تقعد تطلع حجي ماله داعي ..))ومع هذا تبحث عن أزمات مع عمان (يعني مصدق صاحبك الذي جلست معه سويعات وتناسيت روح التسامح في العمانيين والذين لا يحبون نبش الجراح)هل اكتشفت الفرق .

أعتب عليك أنك كنت متلقيا ومستمعا إلى زميلك السعودي وهو يتحدث عن أزمات مع عمان , عتبي لأنك تتساءل ,,,
لقد صدق صاحبك ,
فمنذ وجدت السعودية وهي بلد اختلاق الأزمات وعلى جيرانها حل هذه الأزمات .عجيبة أليس كذلك .
إذا , فلا غرابة أن تخرج المزيد من الأزمات من جعبة صاحبك وأهله والعياذ بالله .

إلى عهد قريب اقتصرت الأزمات على الجيران , أما الآن فحدث ولا حرج , وقد صدق المثل: من زرع حصد.
وإليك بعض الحقائق التي تجاهلتها أنت فلم تسأل عنها صاحبك .
أكبر نظام عنصري وتسلطي ويكيل بالمكيالين يوجد في السعودية .
أكبر مصيبة حلت بالوطن العربي في وقتنا الحاضر هي احتلال العراق والسبب السعودية والكويت .
أكبر منظمة إرهابية في العالم سعودية (القاعدة).
وهلم جرا .