سبلة العرب

سبلة العرب (//om.s-oman.net/index.php)
-   السبلة العامة (//om.s-oman.net/forumdisplay.php?f=5)
-   -   احتاج رايكم.. (//om.s-oman.net/showthread.php?t=330346)

بنت الباطنة&& 11/11/2006 08:55 AM

احتاج رايكم..
 
السلام عليكم

اليوم اطرح موضوع اندهشت منه الاسبوع الماضي كنا نتسوق ولاحظنا انا وصديقتي بشابين قاموا وصورا بنت المهم رحنا نحذرها ونخبرها الموقف الاول اللي صدمني ان البنت طلبت مساعده من شاب كان واقف هناك فقالها بكل برود شو تبيني اسوي؟؟؟

والله في شباب صيع وبعدهم يوقفوا وقفه احسن من كذاك...

والموقف الثاني ان البنت رفضت تعاقبهم لما طلبنا مال الامن وحتى الجهاز ما شلته عنهم
مع العلم ان الصور تثبت بالذاكره ولما قلنا ليها سحبي الميموري عنه قالت خلاص مسحها قلنالها يابنت سحبيها متخزنه ولكن يوم هي ماتكلمت نحن شو عسانا نفعل؟؟

الخلاصه

شو هذي الحركات من بعض الشباب الضايع صوروا البنات اللي يريدن كذا بس البنات العفيفات خلوهن في حالهن ..

كل ماتطورت اجهزة الهاتف نقول الله بالستر والله بصدق الله بالستر

بس ترا الله يمهل ولا يهمل
اليوم سويت في بنت الناس باكر بتحصل حد صور اختك

ومثل ماقلت ذكر لعل الذكرى تفيد

دمتم بود
اختكم في الله
بنت الباطنة

شارع الشرقيه 11/11/2006 09:01 AM

صراحه هذي السوالف صارة منتشره كثير وللأسف الشديد في اغلب الاحيان البنت بروحه تكون هيه السبب في هذي السوالف
والله حاله مجتمعنا يتجه نحو الانحلال الاخلاقي

Mazharia 11/11/2006 09:01 AM

ناس مريضه ومو متربيه ولا اخلاق لها ولا ضمير:معصب:

كان الافضل تكسر التليفون مالهم وتدوسه برجولها لو انا مكانها والله ماخليهم الا واوصلها للشرطه وابهدلهم شر بهدله شو عرض وسمعه الناس فوضى وصور يعني بتتناقل ويكون فيها فضيحه والخ اتخيلوا تكون في متناول كل شاب صورة هالفتاه وهي ماتدري وتتناقل بالبلوتوث يعني فضيحه وسمعه شينه

الله يهدي هذولا الشباب لا شغله ولا مشغله الا يلعبوا باعراض الناس لا بارك الله فيهم لابد انه الشرطه تعاقبهم شر عقاب

واي فتاه تمر بهالموقف عليها الا تسكت فماخفي اعظم وفي ناس مريضه ماهمها الا تشويه سمعه اي فتاه ونشر صورها حتى لو مايعرفوها احترموا نفسكم واهاليكم اللي ربوكم وانتوا اذا عندكم خوات تخافوا على عرضهم وسمعتهم خافوا على بنات واخوات الثانيين وكما تدين تدان


والله يهديهم ويهدينا اجمعين

البــــادي 2020 11/11/2006 09:04 AM

الظاهر انه البنت محترمه وما مال مشاكل . واللي ما ترده أخلاقه ولا تربيته حتى لو حاول العالم كله يرده ويردعه بيضل في تجاوزات . لأن الردع والتغيير لم يأتي من داخل ذاته بل فرض عليه.

Ogre1984 11/11/2006 09:53 AM

صح ان البنت محترمة و مسكينة وما فاضية حال المشاكل
الغلط وكل الغلط على الشباب اللي مافيهم أدب
لو البنت أو رجال الامن كسروا الجهاز كان أحسن.....

ambition 11/11/2006 10:19 AM

:معصب: ..ناس ما متربيه..:معصب:

ولا تعرف معنى الأعراض..

الله يثبتك دوم على قول الحق اختي بنت الباطنه..

فاقد الوعي 11/11/2006 10:36 AM

ما أعتقد أن بنت تمشي مشية طبيعية ومحتشمة وما مرتبشة في شاب يتجرأ أن يقولها شي .

لــكن إذا جت البنت تتمايع فالمشية واتضحك ورابشة البقعة أكيد الشاب بيتجرأ أن يصورها .

بس كان المفروض معاقبة الشاب ذلك من قبل الامن ونزع الممري كارد.

المشـ@ـاكسه 11/11/2006 10:55 AM

بس ترا الله يمهل ولا يهمل
اليوم سويت في بنت الناس باكر بتحصل حد صور اختك

ومثل ماقلت ذكر لعل الذكرى تفيد


صدق ان الله يمهل ولا يهمل وفي يوم من الايام رااااح تنرسل له صورة وحدة من خواته ولا اهله...

وقتها شو بيسوي...

سلمت يمينج على ماطرحتيه من موضوع....

مسبق 11/11/2006 10:56 AM

يا الله بالستر ..

scorpion poison 11/11/2006 11:12 AM

This is very bad behavior & unrespectable from the two boys

queen_oman 11/11/2006 11:43 AM

قلة ادب والله وزين انكم انتبهتوا عليه قليل الادب هذا
مرات والله بدون ما نحس يمكن يصورونا والله يستر :(
اعتقد اننا بنلجئ للحل اللي اتخذوه البنات الامارات
النقاب!

queen_oman 11/11/2006 11:44 AM

اللي يلقي اللوم على البنات
والله مرات تكون البنت بريئه عفيفه ما تكون هي السبب
لكن قلة تربيه بعض الشباب ايش نسوي

عاشق البروانية 11/11/2006 12:14 PM

مشكورة
أول شي على صراحتك
وبكل صراحة الغلط
من البنت المفروض ماتسكت عن حقها

وهذا اللي راحت تعزاه مب ريال

ولا كان مابيخليها ويقولها أيش أقدر أسوي.

بس شو تسوي في هذا الزمان صح
أني ريال بس أقولها بكل صراحة

شباب الحين راحت منهم الشهامة والنخوة حق البنات.


وفي النهاية مايضيع حج وراه مطالب.
وأشكرك بصراحة من كل قلبي.

al-muhajer 12/11/2006 07:40 AM

اقتباس:

أرسل أصلا بواسطة فاقد الوعي
ما أعتقد أن بنت تمشي مشية طبيعية ومحتشمة وما مرتبشة في شاب يتجرأ أن يقولها شي .

لــكن إذا جت البنت تتمايع فالمشية واتضحك ورابشة البقعة أكيد الشاب بيتجرأ أن يصورها .

بس كان المفروض معاقبة الشاب ذلك من قبل الامن ونزع الممري كارد.

تماما / لان الحين صار لا حيا ولا مستحا تخيل وحده تمشي قدامك ولابسه ملابس ضيقه
اقتباس:

أرسل أصلا بواسطة عاشق البروانية
مشكورة
أول شي على صراحتك
وبكل صراحة الغلط
من البنت المفروض ماتسكت عن حقها

وهذا اللي راحت تعزاه مب ريال

ولا كان مابيخليها ويقولها أيش أقدر أسوي.

بس شو تسوي في هذا الزمان صح
أني ريال بس أقولها بكل صراحة

شباب الحين راحت منهم الشهامة والنخوة حق البنات..

وليش البنات ما يحشمون انفسهم
اقتباس:

أرسل أصلا بواسطة queen_oman
قلة ادب والله وزين انكم انتبهتوا عليه قليل الادب هذا
مرات والله بدون ما نحس يمكن يصورونا والله يستر
اعتقد اننا بنلجئ للحل اللي اتخذوه البنات الامارات
النقاب!

ماشي منه :p

أحب وطني 12/11/2006 08:36 AM

اقتباس:

أرسل أصلا بواسطة المشـ@ـاكسه
بس ترا الله يمهل ولا يهمل
اليوم سويت في بنت الناس باكر بتحصل حد صور اختك

ومثل ماقلت ذكر لعل الذكرى تفيد


صدق ان الله يمهل ولا يهمل وفي يوم من الايام رااااح تنرسل له صورة وحدة من خواته ولا اهله...

وقتها شو بيسوي...

سلمت يمينج على ماطرحتيه من موضوع....

بارك الله يديك

بنت الباطنة&& 12/11/2006 11:21 AM

بالعكس والله واحلفلكم ان الشباب شي منهم شياطين وما ينقوا الا البنات العفيفات المحترمات عشان يرموا عليهن بلاوي

الله يهديهم بس
بس والله انا اذكر واحد كان يلعب ببنات الناس ويوهمهن بالحب ومن ياخذ اللي يريده يقولها كيه انا خبل عشان اتزوجك
والله ان في الاخير حد لعب بأخته وصار اللي سواه ببنات الناس بأختة سبحانك الله صدق ان الله يمهل ولا يهمل

"سندريلا" 12/11/2006 01:59 PM

عجب بخبركم سالفة... شيء بنت شفناها ف كوفي شوب . هي حلوة ماشاءالله. لكن أظنها تفكر ان اي حد يرفع تلفونه يعني يصورها هي. كنه محد بنت هناك غيرها... المهم... فالطاولة اللي قدامها شيء شابين واحد يقدر يشوفها والثاني ظهره عليها. وهذاك بريء قام يرسل مسجات ورافع تلفونه ما بالقصد ولكن لضعف نظره اضطر يرفع الجهاز والبنت فكرته يصورها قامت وسوتله فضيحة وتصارخ وتسب. آخر شيء عصب عليها وقالها انتي غبية تلفوني قديم مافيه لا كاميرا ولا وسائط وورفع التلفون لكل الموجودين .. وطلع تلفون مافيه كاميرا اصلا. وتفشلت البنت.

alaneed7887 12/11/2006 02:01 PM

لو فكروا هذولا الشباب بشي قبل ما يعملوا هذي الحركه كان ما راح يعملوها ((كما تدين تدان))

عمرالبطل 12/11/2006 02:16 PM

والله حاله
هم يستفيدوا من التطور وإحنا بالعكس،،،
كأنهم ما شايفين خير!!!!
البنت والشاب كلهم غلطانين،،،
بس شو نسوي في هالزمان الأغبر
نقول بس ( الله يمهل ولا يهمل تراه) نصيحة حطوها في بالكم دوم،،،
وسلامتكم،،،

محب الجنان 12/11/2006 03:23 PM

وهذا يجعل كل بنت ان تفكر في النقاب
فهو يحفظها من كل عين
ومن كل كاميـرا
والله المسـتعان

alasyf 12/11/2006 03:49 PM

الله المستعان
قلة الشهامة وضعف الايمان في قلوبهم هي السبب
ولكن هل يرضون ذلك لأخواتهم ؟
ناس في قلوبها مرض


جميع الأوقات بتوقيت مسقط. الساعة الآن 01:45 PM.

Powered by vBulletin® Version 3.8.11
Copyright ©2000 - 2024, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.