ذكرياتكم مع تعليم السياقة
السلام عليكم ورحمته وبركاته أولا وبدون خجل اريد من كل عضو في السبلة يذكر موقف ما ينتسي من ذكريات تعليم السياقة وطبعا لا احد ما مر عليه موقف طريف وابدا انا بعد جهاد ومعاناه وبعد التراي الثالث في الدرامات ( البراميل) :eek: والفرحة الكبيرة بعد ما نجحت في الصعدة ( الطلعة) :D جاء دوري الاول في الشارع يعني ابدأ من المركز :cool: ويا فرحة ما تمت... كنت ادعم بوابة المركز :eek: ( وقالي الشرطــي سير بيتكم) بعدك بعيد :mad: |
يصراحة تعلمت السياقة على سيارة الوالد
وسويت فيها حادث راحت كلها من صوب اليمين وصلحت تقريبا 100 ريال :شيطان: |
وعليكم السلام ورحمة الله وبركاته :)
تدربت في سيارة وفجأة يوم الاختبار تتغير السيارة الجير اخف بشكل كثييييير والهند بريك يرتفع شوية بس و المقاعد مختلفة ...امور كثيرة :شيطان: بصراحة اتذكر اني وبسبب انه ثاني تراي لي ما ثالث او رابع وبسبب انه المراقب كان شخص :معصب: .. ما احيدني غلطت في شيء يذكر حتى المدرس قالي الظاهر لانه ثاني تراي لك رسبني في التراي واللي كان في اصعب مكان ..روي المهم في التراي الثالث سويت واسطة انه يكون بعد بيومين ولا وبعد اتشرطت اكون اول واحد و اخترت شرطي بواسطة ولا قلت بعد اريد القرم عاد ما شرررررروط .. كان يمدحوا القرم كثير :ضحك: المهم سبحان الله كأن العين جاءتني اول ما اطلع من المركز تبند علي السيارة وهذا كان تاثيره قوي علي وجاءت المشاكل متوالية بسبب هذا وقفت في موقف باص وهذا خطأ دخلت رونج سايت في شيشة الصاروج والسبب انه الخطوط كانت ممسحة بس ما زالت تبين :معصب: يعني رسبت المهم بعد يومين او ثلاثة ايام وبواسطة صغيرة سويت تراي اخر بدون شروط وكان في روي ونجحت ولله الحمد وطلعت الليسن في اليوم اللي بعده :شيطان: بواسطة (الليسن الجديد قبل البطاقة المدنية ) ايام لا تنسى ...بصراحة وبفشار زايد ... بديت اول تراي في يوم الاثنين ونجحت في التراي الرابع يوم الثلاثاء (يعني 8 ايام بس) وحصلت الليسن يوم الاربعاء بعد يوم وفي مسقط :شيطان: ولله الحمد توتة توتة خلصت الحدوتة |
اقتباس:
الحمد لله جات على 100 :D بس زين خلنا نشوف الاعضاء :شيطان: نررريد مشاركات الظاهر البنات معيدات مواقف :D |
والي نجح من أول تراااي أكيد تعطووه بااارد :شيطان:
بدون واسطه :p |
اقتباس:
شكرا للصرااااحة ;) أحلى وااســـــــــــــــطــة :D |
اقتباس:
ما نعطيه بااارد :p سنيور يعطيه عصير كوكتيل :شيطان: |
الصراحة والصراحة راحة اني وانا اتعلم الدرامات ما ادعم في الدرامات الي يفترضندخل السيارة ريوس بينهن .......لااااااااااااااااا انا مختلف.. انا كنت ادعم في الدرامات وين نوقف السيارة اول شي قبل لا ندخل ع الدرامات .. ما يمضي يوم غير ادعمهن كلهن وتسمع التقرقيع ودرامات يطيرن يمين ودرام يطير شماااااااااااااااال .... كان بيني وبين هذي الدرامات ثار وما عارف كيف اخذه...لكن نجحت من اول ترااااااااااااااااااااااا اااي سنيور... وتراه بدون واسطة :D |
اقتباس:
وبعد كل هذا نجحتي من التراي الاول :شيطان: نريد باااارد :p |
اقتباس:
|
اقتباس:
عليك انت البارد انا ما اعزم حد اشوفك ترد على المواضيع ليش ما تخبرنا بتجربتك الانسانية حول هذا الموضوع |
اقتباس:
يالله خبرنا عن سالفتك مع تعليم السياقة :ضحك: وكيف حصلت على الليسن؟؟ وما هي المراحل التي مررت بها؟؟ :شيطان: |
اقتباس:
تجربتي تجربه كانت عاديه جدا....تعلمت السياقه من صف السادس :شيطان: وبعد الثانويه قدمت للتراي ونجحت من اول تجربه :p ووزعت بارد :شيطان: |
اقتباس:
يرجى متابعة دليل الهاتف والاتصال فيما بعد :مفتر: |
:ضحك: :ضحك: :ضحك: اما انا عطيت راعي سيارةالتعليم 170 ريال لكن لا تعلمت ولا طلعت الليسن :) اطرش في الزفة يعني ضرب الفلووووس وشرد ورحت ادور عليه طلع العنوان غير والاسم غير وكل شئ غير قلنا يالله تراها زكاة يمكن فقير مسكين :( تراني فاك ثمي :بلابلا: :بلابلا: اول مرة حد يضحك علي |
اقتباس:
|
اقتباس:
لا تزيدني غم :( :( :( |
اما عن نفسي ....
ببساطه ... كنا طاعين رحله 4 سيارات ......السيــح وطبعا .. يوم وصلنا المكان المقصود .. الحريم .. ذهبن المكان الذي يجب عليهن الذهاب إليه ..وهو الطبخ وجمع الحطب...والرجال .. ساروا يصيدوا.....( لا تخبروا الشرطه ) ... وبدأ الشيطان يوسوس لي ..... فاخذت سياره خالي ..لانها كانت ادمرهم ..وضربت ويلالات ...وجا خالي يركض ويصرخ " سيارتي سيارتي " .. على بالي بيصرخ .. "بنت اختي ...بنت اختي" .....ومن النزقه دعمت السمره ... وبس |
اقتباس:
شو يبي بنت أختـــــــــــــــــه هو .. تهمه سيارتـــــــــــــه ... :D زين يوم دعــمتي السمرة .. ما دعمتي خــــــــــــــــــــالك ,.... :D |
اقتباس:
اما انه عليـــك سوالف أخي سنيـــــــــور اسميني انفطســت من الضحكـ على سوالفك:ضحك: موضوع جميــل تشكـــرات أخي :) |
انا ما رحت اقدم تراي البر
الليسن جايني لين البيت |
السلام عليكم ورحمة الله وبركاته
اقتباس:
ممكن نعرف عن تاريخ الليسن الخاص بالقرنفله :شيطان: |
اقتباس:
كيف يعني :D |
اقتباس:
ما عنــدي ليــسن ، بعدني ما جربت السواقه :p |
اما انا حكايتي حكاية ايام نعليم السواقة
البداية كانت مع المدرب اللي كلما حصل فرصة عشان يقدر يشوف خطيبتة بعد خروج الاب من البيت يقول لي يالله نسير نتدرب وين نتدرب اكون انا السايق واوصله الى بيت خطيبتة وانتظر انا برع الى ان ينهي لقاءه وهو هذا حالنا الى انا حصلنا الليسن ولي موقف طريف مع الشرطة يوم التراي اي الامتحان كنا الله يسلمكم وحنا طالعين وانا طبعا مرتبك لانه اول اختبار لي كان يقول لي لف يسار وانا على بالي اليمين هو اليسار" من الخوف طبعا " وكان ممنوع الف يمين وهو يقول لف يسار انا اقول له ممنوع جات لفة ثانية على اليسار ؛ قال لي لف يسار انا مخلي عمري شاطر قلت له ممنوع وبعدها الريال عصب علي وقال انزل من السيارة الظاهر انا ما راح نخلص معاك ما عارف يسار من يمين ورسبني على طووووووووول |
اقتباس:
مسكيييينة بعدها صغيرووونه ما عندها ليسسن :D بس تابعي المواقف علشان تاخذي خبره :D |
اقتباس:
واسطه قويه |
اقتباس:
كلنــا مساكين :p طبعــا جالسه اتابــع علشان أخذ كورس منكم :شيطان: |
واللي ما متعلم السياقه..؟؟؟خخخخخ
|
اقتباس:
الله يعين الدرامات :D :D :ضحك: علي اذا ما دقدقوهن في يوم تعليم القرنفله ــــــــــــــــــــ:ضحك: :ضحك:ــــــــــــــــــــ |
اقتباس:
السلام عليكم أخي العزيز اشتقتلكم وللسبلة كثير :) كيف ما عندك ليسن بعد :confused: |
اقتباس:
حرام عليك ...أنا بنت مش ولد... :( بعد ما اخلص دراسه ان شاء الله....مش الحين... :نطوط: |
عن نفسي ما تعرضت لأي موقف ;)
لأني شاطرة وأخذت الليسن من أول تراي :شيطان: |
اقتباس:
مين قــــــــــــــــــــــــ ـــــــــــــــــــــــــ ـــدك .. :مفتر: |
حكايتي حكاية وسأبدها من البداية
في التراي الاول ما كنت متعلم غير الدرامات يعني ما تعلمت الصعدة ولا الشارع وهين الغم التراي كان في مسقط وانا من الداخلية يعني ما احيد القرم من روي ، المهم في يوم التراي دخلت الدرامات من جهة اليمين وكان دخول خبير ما شاء الله علي ولما جيت ادخل من اليسار توني الف السكان وابداء الدخول الا ويرن تلفوني وعاد انا ما عرفت ايش اسوي ارتبكت ودوك يا درام وغاب الدرام والغم انه اللي متصل كان معي موجود في الفحص يعني ما حصل الا اذاك الوقت يتصل :mad: ورسبت في التراي . التراي الثاني كان في نزوى كنت رايح اجدد الكتشة وحصلت واحد قال لي تريد تدخل تراي بعد 3 ايام قلت له تم ، رحت تعلمت شوية على الدرامات والصعدة والشارع لمدة ساعتين ورحت التراي حسب الموعد الا توني ادخل الدرامات وقرشعت بهن قال الشرطي روح تعلم بعدك وطلعت من الصعدة بدون ما انتظر الاشارة لاني راسب في الدرامات المهم اني ما اتصلت بمعلم السياقة الا بعد شهر والسبب كنت مخجل من خيبتي اول ما اتصلت به يقول هين انت يا رجال كيف شردت تراك ناجح في الدرامات وانا داعم اول درام كيف نجحت ما اعرف اظن انه الشرطي حترقن فيوزاته وبدل ما يحط رسوبي في البراميل حطه في الصعدة رحت التراي الثالث وكنت ادخل من مكان ممنوع الدخول حتى ادخل لازم اروح الدوار وارجع في السيد المعاكس وادخل، وبعد كنت ادعم باكستاني قفز قدامي في الشارع الحص ، اعرفكم اللحين تقولوا دهيري وبغام لكن ما عليه :mad: في التراي الرابع كان الفرج وحصلت على الليسن . :نطوط: :D :نطوط: |
اقتباس:
حظك..... :o |
اقتباس:
امزح ما شاء الله عليش خبيرة سياقة :) |
اقتباس:
أي خبـــــــــــــــــــــــ ــــــــــــــيرة .. :D الله يخــــلي فـيـتــــــــــــــــــــ ــــــاميــــــــــــــــ ـــــــــــن ( واااااااااااااااااااااااا ااااااااااااااو ) :شيطان: |
اقتباس:
حضك حلو مع الشرطي ;) بس :ضحك: عاد ما تاريخ مرررعب :eek: :ضحك: ـــــــــــــــــــــــت :ضحك: |
ذكـريـات مستحيـل تنتسـي :D
ذكـر في التـراي الثـانـي .. نجحـت درامـات وصعـدة .. بـس لما جيـت أدش الشـارع .. :eek: ما نـزّلت الهـاند بـريـك :D :ضحك: |
اقتباس:
أجـــــــــــل خمســــــــــــتي تخميســــــــــــــــة حلووووووووووووووة .. :ضحك: |
اقتباس:
ويـن راح العقـل ساعتهـا :D .. فـرحة النجـاح أنستنـي المحـرك اليـدوي :ضحك: |
اقتباس:
أول الغيث قطرة :ضحك: وبس :شيطان: |
اقتباس:
لا ماشاء الله عليج الفطانـــــــــــــــــــ ــة زايـــــــــــــــــدة .. :مفتر: |
اقتباس:
|
اقتباس:
عيـل شـو بعـد ؟ :شيطان: :ضحك: لا والله زا دت الفطـانـة وانقلبـت ضـدي :D |
اقتباس:
|
اقتباس:
البارد على ورد الامل :ضحك: :D :ضحك: |
اقتباس:
:eek: يبـوك لا تـذكـرهـم .. مو اليـوم مـاخـذة الليسـن ..صـارت لـي خـبرة في السيـاقـة أنـا :ضحك: :شيطان: ثـلاث سنيـن وداشـة في الرابعـة من أخـذتـه .. جـاي اليـوم تقـول [ بـارد ] :شيطان: |
اقتباس:
رأي الاغلبيه :p |
جميع الأوقات بتوقيت مسقط. الساعة الآن 06:27 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
لا تتحمل إدارة سبلة العرب أي مسئولية حول المواضيع المنشورة لأنها تعبر عن رأي كاتبها.