عرض الإصدار الكامل : بشرى نزلت النائج الثانويه
ارسل مسج على رقم 92020
وكتب رقم الجلوس
ورسل
سحابة
02/03/2006, 10:54 AM
مشكورة ،،،،،،،،،، وصلتنا والحمد لله :)
رجل الظل
02/03/2006, 10:56 AM
بالتــوفيق
زهرة المطر
02/03/2006, 10:58 AM
ياناس لازم تتأكدوا لأن أعتقد هذه نتائج السنة الماضية لأني كيف يردوا علي بمواد وأنا أصلا ما ماخذتنها أكيد صايرة لخبطة
رجل الظل
02/03/2006, 11:17 AM
ياناس لازم تتأكدوا لأن أعتقد هذه نتائج السنة الماضية لأني كيف يردوا علي بمواد وأنا أصلا ما ماخذتنها أكيد صايرة لخبطة
صحيــح كلامك
لاحظــت بعـض الأشيــاء الغـريبة في النتـائج بخصـوص المـواد !
رسام الخيال
02/03/2006, 11:39 AM
http://om.s-oman.net/showthread.php?t=230105
لعب في لعب
مظلومين
رجل الظل
02/03/2006, 11:42 AM
http://om.s-oman.net/showthread.php?t=230105
لعب في لعب
مظلومين
تعيـــــــش عمــانطــل :mad:
فارس الارض
02/03/2006, 11:47 AM
الي ما راسل
نصيحة احسن لة ما يرسل
رجل الظل
02/03/2006, 11:52 AM
http://om.s-oman.net/showthread.php?t=219279
المخلص للوطن
02/03/2006, 12:05 PM
أنا رسلت عشان أعرف نسبة أختي لكن بعدها ما وصلني أي رد :معصب: :mad: :معصب: فالحين يخسرونا :نطوط: :معصب: :نطوط: :معصب:
المخلص للوطن
02/03/2006, 12:27 PM
بصراحه النتائج جدا مخزيه :معصب:
أختى أغمى عليها من سمعت نتيجتها ....
أكيد فيه خطأ :معصب: .... لا لا فيه خطأ :معصب:
غلا عبري
02/03/2006, 12:28 PM
الله لابارك فيكم ياوزارة اللعب
Murcielago
02/03/2006, 12:29 PM
حصلت نسبتي و نسبة ربعي و صدقوني يوم أقوللكم النسب ما تبشر بالخير أبدا ً :(
Murcielago
02/03/2006, 12:32 PM
تخيلوا فيه إمتحان حليته زين و متأكد 100% إنه ما فيه ولا غلطة بعد ما تأكدت من إجاباتي من عند المدرسين و بالنهاية أشوف نسبتي في ذيك المادة طالعة 85% والله قهههههههههر كيف كذا والله حرام والله حرام والله حرام ........... !!! صدقوني والله خلاص ما قادر أتكلم زيادة !!! بس خليهم ما ينسوا إن الرزق بيد الله مو بيدهم لو هذا كان قصدهم
ابو برعي
02/03/2006, 12:40 PM
النتائج نزلات بعض الشي خاصة في القسم العلمي
هذي نسب ياجماعة الخير...
والله حرام حطموني وحطمو احلامي...
احصل 82% بس!!
والله حرام
امتحان الكيمياء اللي حال فيه والحمد لله...
اجيب فيه 60!!!
كيف 60 وانا المعلم معطني 30
يعني في الامتحان جايب 30!!!
والله حرام ومع اني متأكد من حلي...
حال السؤال الأول الأختر كله يعني 28
ويعني باقي الأسئلة اجيب فيهم بس درجتين...
لالالا في السالفة شيء..
والله حرام حرام
هذي نسب!!
كل ربعي نفس حالتي بعد
والله حرررررام
( كريمي )
02/03/2006, 01:29 PM
:( :( :(
:( :( :(
:(
بــدر320
02/03/2006, 01:40 PM
ويش هذا اللعب في النسب واللة العظيم ويش هذ الحالة كلة ضلم في ضلم ويش هذي الوزارة الي ما تعرف كوعها من بوعها
( كريمي )
02/03/2006, 01:54 PM
ويش هذا اللعب في النسب واللة العظيم ويش هذ الحالة كلة ضلم في ضلم ويش هذي الوزارة الي ما تعرف كوعها من بوعها
الله يوفق الجميع أخي ..
ذي يـزن
02/03/2006, 02:00 PM
الله يكون في عونكم
الشهيد2020
02/03/2006, 02:07 PM
الكل يعاني من القهر بس باركولي حصلت على 97.2
الله يعطيكم العافيه.............
night-waves
02/03/2006, 02:09 PM
الحمدلله درجاتك جت زينة وحلوة الله يوفقك ان شاء الله
for you
02/03/2006, 02:10 PM
الله يعينكم
بصراحة النتايج بعد سنة 2002 بدأت تكون غير عقلانية بشكل كبير
الله يعينكم وعاد انتوا شدوا حيلكم
ما دام النسب معظمها تحت يعني الغلط ما منكم ... وهذا يعني ان شاء الله انه ما في شي ضاع عليكم
وعلى العموم ان شاء الله خير
( كريمي )
02/03/2006, 02:12 PM
الكل يعاني من القهر بس باركولي حصلت على 97.2
الله يعطيكم العافيه.............
كيف طلعت النسبة .. ؟
( كريمي )
02/03/2006, 02:15 PM
الحمدلله درجاتك جت زينة وحلوة الله يوفقك ان شاء الله
ربي يوفقك ..
روح الأخوة
02/03/2006, 03:17 PM
موفقين شباب ... والله يعينكم ... :)
~ وهج الإبداع ~
02/03/2006, 03:41 PM
مــبــاركــ للــمــتــفــوقــيــن ...!! :) :)
وشــدوا حــيــلكــم للــبــاقـــييــن ...!!:) :)
( كريمي )
02/03/2006, 04:14 PM
مــبــاركــ للــمــتــفــوقــيــن ...!! :) :)
وشــدوا حــيــلكــم للــبــاقـــييــن ...!!:) :)
كيف نسبتك ؟؟ :confused:
bob 2001
02/03/2006, 06:30 PM
مــــــبروك لـــــمتفوقــــين
أصداء
02/03/2006, 06:58 PM
بصراحة هذي مونتائج هذي مهزلة بس شو نقول لاحول ولاقوة إلا بالله
المؤكد
02/03/2006, 07:24 PM
النتائج غريبة هذي السنة
اخشى انهم نسوا يضيفوا الثلاثين بالمئة لبعض الطلاب لان النسب واااااجد نازله يعني الي كان ما يذاكركثير في السنوات الماضية والسنة هذي شاد حيله نسبته انخفضت عن السنوات الماضية كثيييييييرا
شي غرييييب !!!!!!!!!!!!!!!!!!!!!!!!!!!!!
مروع الخبلان
02/03/2006, 08:05 PM
درجتك في الامتحان يمكن تأخذها كما تستحقها ، لكن الثلاين التي بيد المعلم أقصد بيد الوزارة ربما وضعت كهامش ، مثل التاجر يضع له هامش ربح ، وأكيد الوزارة لديها خطة معينة ونسبة لا تود أن تتخطاها ، مثل بعض الذين يقومون بفحص السائقين الذين تقدموا بطلب رخصة سياقة ، فهناك قاعدة عندهم أنه لا يمكن تأخذ رخصة من أول فحص.
تيجان
02/03/2006, 09:21 PM
فعلا مهزلة!!!!!:نطوط:
المبهر
02/03/2006, 10:10 PM
وش ذا ، وش ها اللخبطة ، وش صاير ياجماعة الخير ، افا ، ترى الوزارة الموقرة ، واللي يشتغلون فيها مره مخبسينها ، وفاره عقولهم ، وش صاير ياجماعة ، ولا نقصو النتائح عشان خاطر عمان موبيل ، عشان الوزارة الموقره ، تأخذ فلوسها من عمان موبيل ، وبالتالي الوزارة مستفيدة والضريبة طلابنا العمانيين ، ،،،،،،،،،،،،،،،،،،،،،،،،، ،،،،،،،،،، ، .
ولكن وش لا حياة لمن تنادي ، ولا ماتت ضمايرهم وغابت أحاسيسهم ، والله جشع وظلم ؟
بس الله على الظالم.............؟
السياسه الحكيمة
02/03/2006, 11:17 PM
لعنت الله على هؤلاء الانذال :معصب: ، انا حال معظم الامتحانات ومتاكد من كثير من الاجابات وشو اللي صار لقيت كل المواد نازل فيهن:معصب: ، وحقيقة مستشفى الولاية ماواسع من كثر امراض الانهيارات العصبية وخصوصا لدى البنات .:معصب:
ماهذا الكلام ياوزار ما وزارة هذي اللي تسوي كذاك ،:معصب: وياخي اذا ماشي جامعه او شغل عطونا درجاتنا الصحيحة ولا تريدوا تفهموا اولياء الامور بان الخطا من الطلبة بانهم لم يذاكروا وهذا اللي حصل اولياء الامور الحين يعاتبوا الطلبة على قلة المستويات .:معصب:
السياسه الحكيمة
02/03/2006, 11:24 PM
هيا بنا لنشد الرحال الى وزارة التربية والتعتيم لنرى مايجرى عن قرب هيااااااااااااااااااااااا ااااااااااااااااااااااااا ااااااااااااااااااااااا بنااااااااااااااااااااااا ااااااااااااااااااااااااا اااااااا،:معصب: وانا اقول مالهن الدرجات اخروهن ومانزلن بالمره وكما سمعت بان وزير التربية والتعليم لم يعتمد اول الامر النتايج ولا ادري لماذا لكن اكيد شي سالفة وهما عصرينهم باغيين ينقصونا درجات:معصب: عصرينه هذيك السنة في مجلس الشورى معاتبين الوزير عوين كل الطلاب جايبين في التسعينات ومالاقيين مكان يدخلوا فيه وعلشان كذا نزلوا الدرجات :معصب:
السراب2002
03/03/2006, 01:07 AM
الله يعينكم
ان لله وان اليه راجعون
هيش صاير السنه
الدرجات زفته .... والطلبه منهارين ... واولياء الامو عيونهم حمر من البكاء ( خاصة الامهات)
يعني هي مسئله ضربت حظ ولا هيش
سنه النسب توب وسنه نكس على روسنا
حسبي الله ونعم الوكيل
بسمة2005
03/03/2006, 08:35 AM
و الله حالة يا وزارتنا الفاشلة عديمة الإحساس0 تراه كلمة ذاكروا الفصل الثاني وإن شاء الله أتزيدوا سهلة بعد هذي الصدمة 0والله ما أعرف كيف أطلع النار من قلبي وكيف أشوف الكتب بعد ما توقعت نتيجتي فوق 97 لكن ما راح نسكت وأنا أقولكم تحركوا يا طلاب الثاني عشر على قولتهم تطور النظام ما اسمه ثالث ثانوي طالبوا بحقكم و ما تقولو كل شي يتعوض اليوم سكتنا وجبنا في الثمانيين بكره ما حد يعلم كيف أتكون نتائج الفصل الجاي وأنا سمعت أحد المعلمين يقول إذا احتج أولياء الأمور شي أمل يصلحوا غلطتهم وما يعقوا فينا نظامهم الفاشل0 وأقدر أحلف أن أي واحد يدافع عنهم أناني وما يحس فينا أو أن منهم اللي مخبصين ومسويين هذي اللعبة0 لأن أساسا العقل ما يتقبل بو صار في السنتين الأخيرتين مرة فوق ومرة تحت يلعبوا كأنهم في حديقة ملاهي 0 أرجوكم وأناشد جميع الطلاب والطالبات تحركوا وما تستسلموا 0 ما عارفه كيف بكرة أروح المدرسة بعد هذي الصدمة0
الشمقمق
03/03/2006, 02:54 PM
لو الكل من الوزارة اجتمعوا على حل امتحاناتنا ما بيقدمو شي
1.امتحانات تعجيزية.
2.ما اخذنا حقنا من الحصص.(الله يخلي مهرجانكم)
3.الدوام قصير.
4.ثلاثة اسابيع من الامتحان الاول الى الاخير...
السنة مسخرة والوزارة مسخرة
المخلص للوطن
03/03/2006, 04:39 PM
شو هذي اللخبطة وبعدهم ما منزلينها في النت :mad:
عماني مجهول
03/03/2006, 08:52 PM
تصدقو
لما شفت نتيجتي قلت ما أظن إنها هيه
بعدين قلت هذا ما رقم جلوسي
وبعدين رسلت رساله غيرها ورسلولي نفس النتيجه
يعني هيه النتيجه مالي
وبعدين صار عندي تفاؤل إنه عمان تل مخربطه في النتائج
وإني بتأكد من النتيجه من النت
بس إلى الحين ما منزلينهن
وفي الأخير ما أقول غير لعنة الله على الي خربط الدرجات
والله لا يوفقه لا في دنيا ولا في آخره
آآآآآآآآآآآآآآآآميـــــــ ــــــن
السياسه الحكيمة
03/03/2006, 09:30 PM
يا جماعة الخير ويا اولياء الامور تكلموا ولا تكونوا ساكتين وخلوا عنكم السكوت ، ياخي شو هذا كل مره يطلعولنا شي هذيك السنة احنا طلاب 11 خلاص اخر ناس امتحاناتنا وماقلنا شي صبرنا تقريبا شهر كامل واحنا نمتحن وهذي السنة طلعولنا بار كود وراحن علينا عيدين ماعيد واحد كما السنوات الماضية وماقلنا شي صبرنا ، وبعدين قالوا ممنوع انه احد يجيب 30من 30 في الفنية والالعاب في الشفوي لانه ماشي انسان كامل في الحياة عوين سمع هذا الكلام ، وماقلنا شي صبرنا وقلنا ربنا بيعوضنا ، وبعدين صعبوا امتحان الكيميا وسويوا فيه اسئلة خطا كثيرة ومعادلة اول مره اشوف كماها في الحياة يحتاجلها وقت كثير علشان تكتشف فيها الاخطاء وتحلها ، واول امتحان عاد هنالك الغم الفيزيا كان اول مره نشوف فيها هذا بو يسمى البار كود وقالولنا لزقوه وقاموا يشرحولنا عنه في وقت الامتحان ولزقناه وجيونا بعد شوية وقالولنا تلصيقكم خطا قوموا بطلوه من الورقة وانا قلت شو نسوي اذا تمزق مابيقبلوا اوراقنا في الوزارة وجلسنا تقريبا خمس دقايق نشيل الباركود وبعدين قالولنا حرصوا نجيب دباسة علشان ندبس الباركود وحرصنا خمس دقايق غيرهن وجابو الدباسة ودبسوهن ، وبعد ربع ساعه جانا رايس اللجنة وسوالنا محاظرة 10 دقايق عن الشخبيطة في اوراق الاجابة انها ممنوعه وممنوع تدخل موبايل وبنده اذا كنت جايبنة ومادري ويش :معصب: في النهاية تقريبا راح وقت ضايع ساااااااااااااااااااااااا ااااااااااااااااااااعه كاملة تخيلوا معي وهو امتحان فيزيا اصعب الامتحانات وشو المشكلة الكبرى عادت لما طالبنا رايس اللجنة انه يزيدنا وقت قال انه كلها السلطنة عوين مطبقة البار كود وبيتاخروا وثانيا عوين ماجاه اتصال من الوزارة علشان يسمحوا زيادة وقت ، وهذا الله يجيركم اللي حصل معنا مع العلم باني كثير من الامور لم اذكرها بعد لضيق وقتي اتمنى من الكل فهم هذه المعاناه التي نشعر بها ، وشو عادت الطامه الكبرى لما شفنا هذي النتايج التعيسة واللي اؤكد لكم باننا منزلين فيها واااااااااااااااااجد وانا متاكد من هذا الشي وما واحد اللي يقول هذا الكلام شوفوا الشارع العماني وبتعرفوا انهم كلهم ماراضيين عن نتائجهم :معصب: :معصب: :معصب:
السياسه الحكيمة
03/03/2006, 09:32 PM
في النهايه اخواني واخواتي مااقدر اقول الا (عسى ان تكرهوا شيئا وهو خيرا لكم)
vBulletin إصدار 3.8.11، كافة الحقوق محفوظة ©2000-2024، مؤسسة Jelsoft المحدودة.